FAARSO 18:14 - Qullaawa Maxaafa

¹⁴ Maxxasi ole baarigaarrasi billaallisi; belequ bilicceessinni waajjishiishinsa.

FAARSO 18:14 ပူးပေါင်းရင်းမြစ်များ

IYYOOBI 37:4

Hakkunni gedensaanni, belequ gedeeta wolqaataame huurosi macciishshinanni; banqote bilicceessi marro marro hige leellanno.

IYYOOBI 37:5

Maganu huuro dhaggete garinni beleqqanno; ninkeno wodancha dandiineemmokkiha lowo coye assanno.

IYYOOBI 38:35

Banqo beleqqanno gede hajajittoro, maahoyye yite hajajokki wonshitannoha lawannoheni?

IYYOOBI 6:4

Wo'manka Dandaanno Magani maxxi, ane mannimma giddo no; giddo'yara harfu eino. Maganu waajjishanno bagado alba qolinoe.

FAARSO 144:6

Banqote beleqo sokke, baarigaarrakki billaallisi; insa, maxxakki olte shorri.

FAARSO 21:12

Albansa maxxunni alaante, badhe higge xooqqanno gede assatto.

FAARSO 29:3

Kaaliiqi huuro lowo baari aana macciishshantanno; ayirradu Magani banqote gede beleqanno; huurosino lowo wayi aana macciishshantanno.

FAARSO 29:7

Kaaliiqi huuro banqote gede xadhitanno.

FAARSO 77:17

Gomichu xeena dirrisino; gordu gugino; belequ raga baalaho bilicci yiino.

FAARSO 77:18

Gugattokki luuli base tuqa iilli; belequ gobba baala xawisi; baattono qece yite huxidhu.

ISAYAASI 30:30

Kaaliiqi mannu baalu ayirrado huurosi macciishshanno gede assanno; wolqaataamu qorichisi buwanno hanqinna ittanno giira, wishote, baradatenna kaadete ledo dirranno gede assanno.

IYUEELI 2:11

Kaaliiqino olantosira belequnni hajajo uyino; olantosino batinyete. Yiinore wonshannohu isi wolqaataamohona, Kaaliiqi barrino lowo geeshsha waajjishannohona, ayi dandaannosi?

IMBAAQOOMI 3:11

Worbichu gede kaattannotenna urdete gede bilicci yitanno banqonni kainohunni, arrishshonna aganu darga dargansa uurritu.

KIIRO 24:8

Maganu Gibitsetenni fushshinonsa; gaarraanchu gede ikke gaaraminonsa. Diinnansa bibbidanno; miqqansano cancananno; maxxansano hiiqqaqqanno.

MARRO 32:23

« ‹Higgannokki bao abbeemmonsa; bagado'yano aanansa gudeemmo.

MARRO 32:42

Bise'ya diinna'ya maala ittanno yannara, bagadi'ya mundee aganno gede asseemmo. Diinna'yaha seeda danancho: umo mure tayiseemmo; qafadantinore baala sheemmo› yiino.

IYYAASU 10:10

Kaaliiqino, Israeelete olanto albaanni, Amooraawootu masse hembeelantanno gede assi. Israeelootuno insa Gebaooni massite gorritu. Gattinore Beetihorooni gooddo sa'nanni eelallitte geeshsha shorritu. Wodiidi ragaanni Azeqanna Maqeda geeshsha shorritanni aanansa bala tuggu.

UMI SAAMUEELI 2:10

Kaaliiqa gibbannori cancanantanno; isi gordoho hee're insara beleqanno; Kaaliiqi baatto baalate yoo yaanno; isi moohisinosihura wolqa aanno; buuramino mootera gaacheena aanno» yitu.