FAARSO 16:9 - Qullaawa Maxaafa

⁹ Lubbo'ya jeennaateho diagurattose; qullaawakki hoqara worte diagurattosi;

FAARSO 16:9 ပူးပေါင်းရင်းမြစ်များ

FAARSO 108:1

Wodani'ya dishafamannoho; Magano! Wodani'ya dishafamannoho. Kunnira geeweemmohe; faarseemmohe.

FAARSO 30:12

Kunnira sammi diyeemmo; wo'mu wodani'yanni faarseemmohe; Kaaliiqa Magano'ya, hegerera galateemmohe.

FAARSO 57:8

Lubbo'ya baqqi yii! Gingilaatunna baganu ka'e! Anino gute kaeemmo.

LAWISHSHA 14:32

Bushuullu bunshensanni ubbanno; keeraano kayinni reyote yannara nafa irkidhannowa afidhanno.

ISAYAASI 26:19

Mannikki reyinohu kae heeshshonniha ikkanno; reeshshinsano ka"anno. Ki'ne bushshu giddo heedhinanniri, ka'ine hagiirru faarso faarse! Soodo loju baatto qufisannohu gede, Kaaliiqino reyite keeshshitinore kayise, lubbotenni heedhanno gede assanno.

DAANIEELI 12:13

«Ati Daanieeli, goofimarchu geeshsha ammanamatenni hee'ri. Hakkunni gedensaanni fooliishshi'ratto; goofimarchu barrano ka'e qeechakki adhatto» yiinoe.

SOQQAMAASINETE LOOSO 2:26

Kunnira wodani'ya hagiidhanno; arrawi'yano hisatanno. Reyannohu maali'yano hexxo afi'ranno.