FAARSO 16:3 - Qullaawa Maxaafa

³ Baattote aana noo keeraano baala, ledonsa heera'yanni hagiidheemmo ayirraddaati.

FAARSO 16:3 ပူးပေါင်းရင်းမြစ်များ

LAYINKI DUDUWO 6:41

Kaaliiqa Magano! Ka'e wolqakki malaate ikkinohu Taabootikki ledo fooliishshi'rattowa amo. Kaaliiqa Magano! Qeesootikki assitannori baalu qinoonsa; mannikkino shaqqillikkinni hagiidho.

FAARSO 101:6

Maganoho ammanantinori ane ledo heedhanno gede, ille'ya insa widira la'anno; anera wodana subbinori soqqantannoe.

FAARSO 116:15

Keeraanote reyo, Kaaliiqi albaanni ayirradote.

FAARSO 119:63

Ani atera soqqantannoriranna, wogakki ayirrissannorira jaalaho.

FAARSO 122:8

Fiixi'yanna jaalla'ya daafira, «Yerusaalame keeru atera ikko» yee huucceemmo.

FAARSO 30:4

Ki'ne Maganu manna, Kaaliiqira faarse; Qullaawa ikkinota qaagginanni galata uuyyesi.

LAWISHSHA 12:26

Keeraanchu manchi jaalisira dancha mala aanno; bushu manchi kayinni halaaluwiinni xeertisanno.

LAWISHSHA 13:20

Egennaamu ledo hosannohu egennaamo ikkanno; hawanyootu jaali kayinni qarru aana uwanno.

LAWISHSHA 8:31

Isi kalaqino baattonni tashshi yiinoe; mannu sirchinnino hagiidhoomma.

FAARSO ROORE FAARSO 7:10

Ani baxillaanchi'yate; isino ane halchanno.

ISAYAASI 62:4

Kunni ka'a, «Hambe Agurroonnite» diyinannihe; baattokkino, «Onate» diyinanni. Haaru su'mikkino, «Kaaliiqi Hagiidhinosete» yinanniha ikkanno; Baattokkino, «Galte Afidhinote» yinanni. Kaaliiqira atenni tashshi yaannosi; baattokkino galte noose mancho gedeeta ikkitanno.

MILKIYAASI 3:17

Olantote Mootichi Maganu, «Insa anere ikkitanno; ani looseemmo waro insa anera baxxitino woxe ikkitanno. Annu soqqamannosi beetto mararannohu gede anino insa marareemmonsa.

SOQQAMAASINETE LOOSO 9:13

Hanaaniya kayinni, «Mooticha'ya! Hakku manchi Yerusaalamete heedhanno ammanano aana lowoha busha qarra iillishinota lowo manniwiinni macciishshoommo.

GALATIYU SOKKA 6:10

Coyi injiinkero, manna baalaho, roorsine amma'nino mannira dancha coye assino.

EFESOONI SOKKA 1:1

Maganu hedo garinni Kiristoosi Yesuusi soqqamaasincho ikkoommohu ani Phaawuloosi, Efesooni Katamira hee'rannohura qullaawaho, Kiristoosa Yesuusa ammanino mannira:

TIITO 3:8

Kuni hawaqi'nanni qaaleeti. Magano amma'nino manni danchu loosira jawaatanno gede, konne coye baala seekkite huwachishattora hasi'reemmo. Kuni coyi danchahonna mittu mittunku manchira kaa'lannoho.

IBIRAAWOOTA 6:10

Maganu halaalaancho yoo yaannoho; looso'nenna albano ikko xaano qullaawa manna kaa'latenni leellishshinoonnisi baxille dihawanno.