1 Magano'ya ballo, ati golo'yaatina agarie.
Kaaliiqi wolqa afidhinokkire kaa'lannonsa; aneno qarramummo yannara gatisinoe.
Kaaliiqa addaxxanno manni, darginni milli yiikkinninna shafamikkinni hee'ranno ilaali Tsiyoonihu gedeeho.
Yaiqoobi Magani kaa'laanchosi ikkinosihuranna, Maganosi Kaaliiqa hexxino manchira tashshi yoosi.
Wo'manka woyite doogokki aana noommo; doogokki aaninnino wirri yee diegennoommo.
Illete diikkichi gede assite agarie; qoolikki giddo maaxie.
«Kaaliiqa addaxxootto; hanni mayira gatisa hoogiheyya? Kaaliiqi baxannoheha ikkiro, mayira kaa'la hoogiheyya?» yitannoe.
Lubbo'ya agarte gatisie; ate addaxxoommona saalfachishshootie.
Keeraano baala, Kaaliiqa baxxesi; Kaaliiqi halaalaasine agarannonsa; boonaleeyye lowo geeshsha qorichishannonsa.
Kaaliiqi halaale baxanno daafira, keeraano dihunanno; keeraano hegerera heedhanno; bushuullu sirchi kayinni ba"anno.
Magano! Mannu xiiwannoena, baarigaarra'yano wo'ma woyite gadadissannoena mararie.
Magano! Giwoottonke; facci assite aguroottonke; hanqoottonke; xa kayinni higge jawaachishinke.
Kaaliiqa Magano'ya, goli'ya ateetina, shorritannoeri baaluwiinni gatisse fushshie.
Ati gatisa hoogittoero kayinni, doobbiyu gede dukke massite, hoolannohu nookkiwa cancantannoe.
Olantote Kaaliiqa! Ate hexxitannori baraadhinoreeti.
Kaaliiqa, ati hasidhannohere tugge agurattonsakki daafira, su'makki egentinori baalu addaxxitannohe. Kaaliiqa, ati hasidhannohere tugge diagurattonsa.
Isi bunshe gibbannore baala baxanno; Kaaliiqi keeraanote lubbo agaranno; bushu manni angannino gatisannonsa.
Taalo maltannore towatannonsa; isira ammanantinore agarannonsa.
Wodaninkenni hendeemmo woyite, reyote yoo yinoonninkeha lawinonke. Kuni coyi ikkinohu, ninke wolqa ikkitukkinni reyitinore kayisannohu Magano ikkinota buunxeemmo gedeeti.
Konne qarra adheemmohuno kunni daafiraati. Ikkollana ammanoommoha egennoommo daafira disaaleemmo. Uyinoonnie eeggo hakko barri geeshsha agadha hasiissannoeta huwatoommo.
