FAARSO 15:3 - Qullaawa Maxaafa

³ Lame arrawo coyi'rannokkiho; jaalisira bunshe assannokkiho; ollaasi he'mannokkiho.

FAARSO 15:3 ပူးပေါင်းရင်းမြစ်များ

LAWISHSHA 22:10

Haariimaancho giddonni fushshiniro, yekkeerama diheedhanno; gibbonna xonono uurritanno.

LAWISHSHA 25:3

Mootoollate hedo gordu gede xeerto, baaru gede diime ikkitinohura, iillinara didandiinanni.

ISAYAASI 56:2

Konne coye assannohunna seekke cu'mi'rannohu, mishikkinni Fooliishshote Barra ayirrisannohu, angasi bunshe loosatewiinni agadhannohu maassaminoho» yii.

LEEWAAWOOTA 19:16

Mannu su'ma hunate mannu mereero doyitinoonte. Affinoonnire kayinni maaxxinikkinni coyidhe. Ani Kaaliiqaati.

MAATEWOOSI 7:12

Mannu ki'nera assa'nera hasidhinannire baala ki'neno insara assensa! Seeru maxaafinna himanaanono konne coye kultanno» yii.

ROOMU SOKKA 1:30

mannu su'ma huna, Magano giwa, xono, boo'na, naaxxa, bunshe hasa, annahonna amate hajajama giwa,

ROOMU SOKKA 12:17

Busha assinohehura busha assite qoltooti. Mannu baalu albaanni dancha coye assate jawaati.

ROOMU SOKKA 13:10

Baxillu noosihu mannaho busha coye diassanno. Kunnira, baxillu Seeraho gawalote yaate.

TIITO 3:2

ayirano busha coyi'rannokki gede qaagiissi. Mannu ledo giwantannokkirenna arshoota, mannaho joongille leellishshannore ikkito.

YAIQOOBI 4:11

Roduuwa'ya! Mimmito'ne he'mitinoonte; manna hee'mannohu woy manna bushiishannohu Maganu Seera he'manno; Maganu Seera bushiishanno. Seera bushiishannohu, Seeraho hajajama agure, yoo yaannoha ikkanno.

SAYIKKI YOHAANNISI 1:11

Jaala'ya! Dancha ikkinnina busha labbooti; danchare assannohu Maganunniho; bushare assannohu kayinni Magano diafino.

UMI SAAMUEELI 24:11

Anna'ya ballo, kune uddanokki aaninni muroommo hoccichi anga'ya noona lai! Uddanokki handaara muroommota ikkinnina ate dishoommohe. Xaano ikkiro ate aana assoommo sao nookkita seekkite afi. Mitte bunsheno assummohekkinni shaattoera hassanni noottoe.