FAARSO 15:2 - Qullaawa Maxaafa

² Hakko hee'rannohu, suwashsho doogo ha'rannoho; halaale loosannoho, wodanisinni halaale coyi'rannoho.

FAARSO 15:2 ပူးပေါင်းရင်းမြစ်များ

FAARSO 24:4

Hakkiira mara dandaannohu, angasi keeraabbinoho; wodana xalalinoho; kaphu maganna magansi'rannokkiho; kaphunni xaarannokkiho.

FAARSO 84:11

Kaaliiqi agaraanchonkeetinna wonqonkeeti; mararannonke; ayirrinyeno aannonke; danchumma assitannorira dancha coye diho'lannonsa.

LAWISHSHA 20:7

Ammanaminohunnitinna halaalaanchu manchi ooso, hiitto ba'raadhinote!

LAWISHSHA 28:18

Sumbetenni hee'rannohu gatanno; shokkado doogo ha'rannohu kayinni balete uwanno.

ISAYAASI 33:15

Halaalenna taalo coyi'rannohu, hanaaqu jiro baxannokkihu, gubbo itannokkihu, manna shaate malira xaadannokkihu, busha coye la"a giwannohu,

ISAYAASI 63:8

Kaaliiqi, «Insa addinta ane mannaati; doggannoekki ooso'yaati» yii. Insarano gatisaanchonsa ikkino.

MIKIYAASI 2:7

Israeelete gosa rumantinore labbuhe? Maganuno cincannokkiha lawihe? Togoo coye isi assannoni? Woyyino looso loossannori baalunkura Kaaliiqi dancha coye diassannonsa?» yii.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

SOQQAMAASINETE LOOSO 10:35

Aye gosano ikkiro Maganu waajjannosihanna dancha loosannoha baxanno.

ROOMU SOKKA 2:10

Ayihudeno ikkito, dagate dancha looso loossannore baala galantanninsa; ayirrinyenna keereno uyinanninsa.

GALATIYU SOKKA 2:14

Insa ikkito Danchu Duduwi halaali ledo xaado afidhinokkita afummo yannara Pheexiroosi, «Ati Ayihudicha ikkite heedhenni, Ayihudete budinni ikkikkinni dagate budinni hee'rootto. Daga kayinni Ayihudete budi garinni heedhara mayira qarrisattonsa?» yee mannu baalu albaanni borooroommo.

EFESOONI SOKKA 2:10

Maganu Kiristoosi Yesuusi widoonni qole xa hee'noommo gedeere asse kalaqinonkehu, balaxe qixxeessinoha dancha looso loonseemmo gedeeti.

EFESOONI SOKKA 4:25

Kunnira, kapho fushshitine tugge. Ninke mimmitinke ledo mitto biso ikkinoommo daafira, mimmitinkera halaale coyi'no.

QOLASIYAASI SOKKA 3:9

Mimmiti'ne ledo kapho coyidhinoonte. Akkala mannimma loosise ledo mulqitine tugginoonnina.

IBIRAAWOOTA 11:33

Insa amma'natenni mootoolla qeeltino; dagano taashshite gashshitino. Uyinoonninsata addi addi hexxono afidhino; doobbiyu afoono cuffino.

UMI YOHAANNISI 2:29

Isi keeraancho ikkinota affiniro, keeraanchimmate looso loosannohu baalu Maganu ila ikkinota egenne.

UMI YOHAANNISI 2:6

«Maganunni hee'reemmo» yaannohu, Kiristoosi hee'ri garinni hee'ra hasiissannosi.

UMI YOHAANNISI 3:7

Ooso! Ayino dogoonke'ne; isi keeraancho ikkinonte gede, keeraanchimma assannohu keeraanchoho.

YOHAANNIS AJUUJA 21:8

Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.