FAARSO 149:6 - Qullaawa Maxaafa

⁶ Lamu qari bise anga amadde ilillissanni, Magano naggi yitino qoonqonni galattosi.

FAARSO 149:6 ပူးပေါင်းရင်းမြစ်များ

NEHIMIYA 9:5

Iyyaasu, Qadimieeli, Baani, Hashebaaniya, Sherebiya, Hoodiya, Shebaaniyanna Fetahiya yinanni Leewaawooti, «Ka'ine uurritine Magano'ne Kaaliiqa galatte; Kaaliiqa hegere hegerera guwissesi. Mannu guwishshi jawimmasi gudise leellishate guutinokkiha ikkiro nafa, ayirradu su'miha Kaaliiqa guwissesi» yitu.

FAARSO 115:7

Anga noonsana, diamaddanno; lekka noonsana, dihadhanno; mitte huurono dinonsa.

FAARSO 66:17

Qoonqo'ya naggi asse iso huucci'roommo; galata'yano shiqishi'roommosi.

FAARSO 96:4

Kaaliiqi lowoho; lowo galati hasiisannosiho; wole maganna baalantenni roore ayirradoho.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

ABIDIYU 1:21

Ani Kaaliiqi gatiseemmonsa gosa, Tsiyooni Ilaali aana heedhe, Edoomi gashshitanno. Gashshootuno ane Kaaliiqiha ikkanno.

LUQAASI 2:14

«Iima gordoho Maganoho ayirrinyu ikkosi! Baattote aanano Maganu hagiidhannonsa baalira keeru iillo» yitu.

IBIRAAWOOTA 4:12

Maganu qaali lubbo afi'rinohonna loosannoho; lamu afii bisenni roore iibbinoho; lubbonna ayyaana, mikitanna qoe bada geeshsha raqqe e"e qasanno. Wodanu giddo noo hedonna yorto fonqole yoo yaanno.

YOHAANNIS AJUUJA 1:16

Qiniiticho angara lamala beeddakko haa're no; afiisinni lamenka wido iibbitino bise fultu; albisino barru taali arrishsho gede xawanno.

YOHAANNIS AJUUJA 19:6

Xaano lowo manni huuro labbannota, shooshshanno wayi luulinna banqote beleqi gedee gugatto, «Halleeluya! Wo'manka Dandaannohu Mootichinke Maganu moohino!

EJJEETTO 3:16

Isino mitte cigile ikkitannota 2 qari bise tunsiisi're uddanosi giddoonni qiniitichu tafira qodhi.