FAARSO 149:3 - Qullaawa Maxaafa

³ Su'masi hagiirrunni galatte; dibbenna bagana gantinanni galattesi.

FAARSO 149:3 ပူးပေါင်းရင်းမြစ်များ

LAYINKI SAAMUEELI 6:14

Daawiti shaalado shalonni gannoonnita qeesimmate uddano halloho xaaxi're, wo'ma wolqasinni Kaaliiqi albaanni qeexaa'li.

LAYINKI SAAMUEELI 6:16

Kaaliiqi Taabooti Daawiti Katama ei yannara, Saaooli beetto Melkooli masikootete giddoonni qolte la'anni no. La'anno woyite moote Daawiti Kaaliiqi albaanni kubbanni qeexaa'lanni noota affe wodanisenni mishshusi.

UMI DUDUWO 16:42

Hemaaniranna Yidutunira xurumbuwate, tsenaatsillatenna galatu faarso faarsinanni yannara gannannihura wolu muuziiqu uduunnira annimma uyinonsa. Yidutuni boosaalli mannira huxxu waalchuwa agarate annimma uyinonsa.

UMI DUDUWO 25:6

Labballi oososi baalanti Qullaawa Mine magansi'nanni seera wonshate anninsa albisanna tsenaatsile gantanno. Maasinqonna baganano gantanno. Asaafi, Hemaaninna Yidutuni qolte moote hajajannore assitanno.

LAYINKI DUDUWO 20:28

Yerusaalame iillitanni heedhenni Maasinqotenni, suusulletenninna xurumbunni faarsitanni Qullaawu Minira e'u.

LAYINKI DUDUWO 29:25

Alba Kaaliiqi Daawitira mootete masaalaanchi Gaadinna himanaanchu Naataani widoonni qole hajajinosi garinni, kunnira woroonni noo coye wonshino: Moote Hiziqiyaasino Daawiti assino garinni bagana, tsenaatsilenna maasinqo gana egentino Leewaawoota Qullaawa Mine wori.

IZIRA 3:10

Mine mintannori Qullaawa mine saffu yannara, qeesootu qeesimmate uddanonsa uddidhe buudu xurumba amadde, Leewaawootu Asaafi ooso qolte tsenaatsile amadde, moote Daawiti yannanni kayise rosamino garinni Kaaliiqa guwissara darga dargansa uurritu.

FAARSO 30:11

Ati dadille'ya hagiirreho soorrootto; xidda'ya qasse hagiirre uddisiisoottoe.

FAARSO 33:2

Kaaliiqa gingilaatunni galattesi; baganunnino faarsesi.

FAARSO 81:2

Faarsote ka'e; dibbeno ganne; baganunninna maasinqotenni tashshi yitanno qoonqo macciishshinanni gede asse.

FAARSO 81:3

Ayyaana ayirrinsanni barra buudu xurumba ufuuffe; Aganu Leellanno yannaranna dukkaaduranno woyite hatto asse.

FAARSO 87:7

Mannuno, «Tsiyooni, ati atootinke baalu buichooti» yaanni faarsanno.

FULO 15:20

Aarooni rodoo himanaancho Maariyaami dibbe haadhe fultuta, wolu meentino dibbe gananninna hechemmo kadanni hoodese fuli.

ERMIYAASI 31:13

Hatte yannara seenninsa hagiidhe kukkubbanno; labballi oosonsanna geerrinsa qeexaa'lanno. Wodana qoleemmonsa waro, wi'lansa hagiirreho, dadillensa hisanyooteho soorreemmo.

ERMIYAASI 31:4

Baxeemmohe Israeele! Ani galagalche dhaaweemmohe; atino dhaawamatta. Dibbe gantanni hagiirrunni kubbatta.

EJJEETTO 11:34

Yofitahe minisira Mitsipha higi. Higanno woyite beettosi dibbe gantanni geebbanni haadhasira shiqqu. Iseno afi'rino mitteeti; ise agurranna wole ooso mitteno dinosi.