FAARSO 149:2 - Qullaawa Maxaafa

² Israeelete manna! Kalaqaanchi'nenni tashshi yoo'ne; Tsiyooni manna! Moote'nenni hagiidhe.

FAARSO 149:2 ပူးပေါင်းရင်းမြစ်များ

IYYOOBI 35:10

Ikkollana, qarru yannara kaa'lannonsahuwanna, tunsichu giddo heedheenna hexxo aannonsahuwa, kalaqaanchu Maganinsawa higa dibaxxanno.

FAARSO 47:6

Galatu faarso Maganinkera faarse; galatu faarso mootenkera faarse.

FAARSO 95:6

Amme! Umonke heeshshi assine iso magansi'nona; kalaqaanchinke Kaaliiqi albaanni guluphinona.

ISAYAASI 43:15

Ani Kaaliiqi ki'nera Qullaawa Maganooti; Israeele, ani kalaqoommo'ne; moote'neno aneeti» yoommo.

ISAYAASI 52:7

Ilaallate aana keerunnirenna gatonnire hasaawannohu, dancha duduwo duduwannohunna, «Maganikki moohanno» yee, Tsiyoonira kulanno sokkaanchi lekka hiitto biiffinote!

ISAYAASI 54:5

Kuni ikkannohuno, ani kalaqaanchikki Olantote Magani Kaaliiqi, ayiddaannakkiiti. Ani gatisaanchikki Israeelete Qullaawaati; kalqe baalate Maganooti yinannie.

IYUEELI 2:23

«Ki'ne Tsiyooni gosa, Magani'ne Kaaliiqinni tashshi yoo'nena, hagiidhe. Isi taashshe, bashsho gede badheessinna hawadi xeena, ikkanno geeshshiha uyino'ne.

IMBAAQOOMI 1:12

Imbaaqoomi qole, «Kaaliiqa Magano'ya, ati bi're hundinni kayisse nootto qullaawaatinna hegerera hee'rattoho. Ninkeno direyineemmo. Golonke ikkoottohu Maganonke, cubbinkenni kainohunni Baabilooni gosa aananke kayisoottohunna wolqano oottonsahu ateeti.

SOFFOONIYAASI 3:14

Kaaliiqi, «Tsiyooni beetto faarsi! Israeelete manna! Faarse! Ilillisse! Yerusaalamete beetto! Wo'mu wodanikkinni tashshi yoohena, hagiidhi.

SOFFOONIYAASI 3:15

Ki'ne aana abboommo qoricha aguroommo; diinna'neno hooloommo. Ani Israeelete moote Kaaliiqi, mereero'ne noommo daafira, kunni ka'a waajjishanno'nehu bushu coyino dihee'ranno» yii.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.

MAATEWOOSI 21:5

«Tsiyooni Katamira, ‹Kuneeti Mootekki jooge, harrichonna ilmatticho gulufe, atewa daanno› yitine kullese!» yee borreessino himani wo'manno gedeeti.

MAATEWOOSI 25:34

«Hatte yannara Moote qiniitesiinni noore, ‹Ki'ne Anni'ya maassi'rino'neri! Amme! Alame kalaqantuhunni kayise qixxaawino'neha Gordu Gashshoote ragidhe!

LUQAASI 19:27

Insa gashshaancho ikkeemmota gibbinore hakkore baarigaarra'ya abbitine alba'yaanni shiiyye!› yiino» yiinsa.

LUQAASI 19:38

«Mootichu su'minni daanno moote maassaminoho. Keeru gordo, ayirrinyu aliidi gordo iillo!» yitu.

YOHAANNISI 19:15

Insano, «Hoolinke! Hoolinke! Sutte aguri!» yitanni cancitu. Philaaxoosino, «Moote'ne sutoni?» yiinsa. Qeesootu roorrootino, «Qeesaari agurranna wolu moote dinonke» yite qoltu.

MARRO 12:7

Hakkiicho Magani'ne Kaaliiqi albaanni ittinanni hagiidhitinanni. Magani'ne Kaaliiqi assidhinoonnihu baalunkunni maassi'ranno'ne daafira, ki'nenna mini'ne manni baalunku hagiidhitinanni.

FILIPHISIYUSI SOKKA 3:3

Magano Qullaawu Ayyaaninni magansi'neemmorenna, illete leellanno seerinni ikkikkinni Kiristoosa Yesuusa adawadhineemmore ikkinoommohura halaalunni barcimmoommori ninkeeti.

YOHAANNIS AJUUJA 19:6

Xaano lowo manni huuro labbannota, shooshshanno wayi luulinna banqote beleqi gedee gugatto, «Halleeluya! Wo'manka Dandaannohu Mootichinke Maganu moohino!

UMI SAAMUEELI 12:22

Kaaliiqi umisi manna assira'nera hede, bayiru su'misi daafira yee mannasi diaguranno.