FAARSO 148:8 - Qullaawa Maxaafa

⁸ Belequnna kaade, bullaame kaadenna gomichu, hajajosi wonshitinanniri, jawaata bubbe baala Kaaliiqa galatte.

FAARSO 148:8 ပူးပေါင်းရင်းမြစ်များ

KALAQAMA 19:24

Kaaliiqi Soddoomunna Gomooru aana gordunni giiranna ruqano dirrisi.

IYYOOBI 37:12

Maganu gomichu doyanno gede assanno; hasi'riwa baala ha'ratenna yiino gede ikkate hajajamanno.

FAARSO 103:20

Coyi'rannore macciishshitinanniri, hajajosi wonshitinanniri, ki'ne wolqaataammu sokkaasine Kaaliiqa galattesi.

FAARSO 18:12

Albasiinni noo beleqinni, kaadenna giirate buwani fule, du'mu gomichi giddoonni hige sai.

FULO 10:13

Museno Gibitsete baatto aana siqqosi kayisi; Kaaliiqino hakko barranna hakko hashsha wo'ma soojjaati bubbe kayisi; soodita, bubbe kanchafare haadhe abbitu.

FULO 10:19

Kaaliiqino kanchafare fiite haadhe hadhe Duumu Baari giddo huntannota kaajjado galchimi bubbe kayisi; Gibitsete baattora mittu kanchafarchi nafa digatino.

FULO 14:21

Museno angasi baaru aana diriirsi; Kaaliiqino wolqaataame soojjaati bubbe abbeenna hashsha wo'ma bubbissanni galte baara lamewa badde baatto mooshshitu.

ISAYAASI 66:16

Kaaliiqi, manna baala giiratenninna bagadunni qorichishanno; lowo manna shee gudanno.

IYUEELI 2:30

«Gordohonna baattote aana, dhaggete coye leellisheemmo. Mannu mundeenna giira la"anno; wiliileno tunni yitanno» yaanno.

LEEWAAWOOTA 10:2

Kunninni kainohunni, Kaaliiqiwiinni fultino giira itte shiteenna Kaaliiqi albaanni reyitu.

AMOOTSI 4:13

Ilaalla loosinohu, bubbe kalaqinohu, hedino coye mannaho leellishannohu, barri xawaabba tunsichoho soorrannohu, baattote tulluwa aana qaafannohu, Maganoho. Iso, «Wo'manka Dandaannohu Olantote Magani Kaaliiqi» yine woshshinanni.

AMOOTSI 7:4

Mootichu Kaaliiqi leellishinoeti wole ajuuja aante noote: Kuneeti Kaaliiqi mannasi giiratenni qorichishara qixxaawanna afoommo. Giirano baattote woroonni nooha lowo baara mooshshite baattono ittu.

YOONAASI 1:4

Kaaliiqi kayinni baaru aana jawaata bubbe kayisi; baaru aana wolqaataamu dambali kaino daafira, markaawe hiiqqamate gamba yitu.

YOONAASI 1:5

Markaawete giddo noo manni waajjino daafira, baalunku umi umisi maganiwa hige raari; markaawete hogowi shotanno gede hogophitinore fushshite baaru giddo tuggu. Yoonaasi kayinni markaawete woriidi kifile dirre goxe bae no.

KIIRO 16:35

Giirano Kaaliiqiwiinni dirrite hixaana giiranni nooha 250 manna ittu.

IYYAASU 10:11

Amooraawootu, Israeelootu olantowiinni Beetihorooninni Azeqa eelallitte higge xooqqanni heedheenna, Kaaliiqi gordunni lowiddaanna kaade dirrisi. Kunnira, Israeelootu shitinorinni roore kaade shitinori kiiro lowo geeshsha batidhu.

YOHAANNIS AJUUJA 16:21

Mitte mittenti 45 kiilo ikkitanno kaade, iiminni mannu aana dirritu. Kaadete qoomami lowo geeshsha shetisino daafira, mannu Magano xoni.