FAARSO 147:1 - Qullaawa Maxaafa

¹ Kaaliiqa galatte! Maganinkera galatu faarso shiqisha danchate; iso galata tashshi assitannotenna hasiissannote.

FAARSO 147:1 ပူးပေါင်းရင်းမြစ်များ

IZIRA 3:12

Albiha Qullaawa Mine affinori jajjabbu qeesooti, Leewaawootunna maatete sooreeyye Qullaawa Mine sanfanna la'u yannara, qoonqonsa naggi assite wi'litu. Wolootu kayinni hagiirrunni ilillissu.

FAARSO 135:3

Shaqqado ikkino daafira Kaaliiqa galattesi; dancha ikkino daafira su'misira galatu faarso shiqishshe.

FAARSO 33:1

Keeraano! Kaaliiqinni tashshi yoo'ne; wodana subbinoonniri baalu galattinasira hasiisanno.

FAARSO 42:4

Ani albaanni hige lowo manni ledo Maganu Minira ha'ranna, ayyaana ayirrissannori galatu faarsonni Magano galattino; konne coye qaaganna wodani'ya dadillunni hiiqqami.

FAARSO 92:1

Kaaliiqa! Ate galaxxa, Wo'munkura Aliidi Maganira faarsa hiittoo danchaati!

FAARSO 92:2

Soodo bagamannokkiha baxillekki, hashsha halaalaanchimmakki duduwa hiittoo danchaati!