FAARSO 146:9 - Qullaawa Maxaafa

⁹ Kaaliiqi gobbansanni xiiwante fultinore agaranno; gunnootanna buxo kaa'lanno; bushuullu kayinni ba'anno.

FAARSO 146:9 ပူးပေါင်းရင်းမြစ်များ

LAYINKI SAAMUEELI 15:31

Daawitira, gano ganate Akixoofeeli Abeseloomi ledo noota kulleennasi, «Eeggate Kaaliiqa'ya, Akixoofeeli mali mulla ikkanno gede assi» yee huucci'ri.

LAYINKI SAAMUEELI 17:23

Akixoofeeli malisi adhaminokkita afiti, harrichosi koodhe kae katama minisira ha'ri. Mine biddi assi'rihu gedensaanni angasinni qalxi're reenna, annisi waammara madaarrisi.

ASTEERI 5:14

Kunnira galtesinna jaallasi baala, «Hojja 50 cigile ikkitannota haqqu dawe qixxeessite ga'a soodo Merdookiyoosi sutatto gede moote xa'ma hasiissannohe. Hakkunni gedensaanni hagiidhitanni jilaho ha'ratto» yitusi. Haamano tenne hedo baxe suntanni dawe qixxeessi.

ASTEERI 7:10

Kunnira Haama Merdookiyoosi sutara qixxeessino dawera massine sunti. Hakkunni gedensaanni mootete hanqi qiidi.

ASTEERI 9:25

Asteeri kayinni mootenniwa marteenna, mooteno hajajino hajajo borreessine iillinshanni gede assino. Hatte hajajonni Haama Ayihude gudisiisara hedino hedo umisira higgino. Isinna tonnenti oososino dawete aana sutantino.

FAARSO 10:14

Ati Maganu kayinni qarranna shetto la"atto; wo'manka woyite towatate qixxaawaho; hawaaxamu irkisattosira atewa shiqanno; annanna ama hoogginoreno ati kaa'latto.

FAARSO 145:20

Baxxannosire baala agarannonsa; bushuulle kayinni hunanno.

FAARSO 147:6

Umonsa heeshshi assitinore gotti gotti assannonsa; haxawarroota kayinni shollishe bushsha eessannonsa.

FAARSO 18:26

Suwashshu manchira suwashshoho; shokkashshu manchira kayinni gara giwattosi.

FAARSO 68:5

Maganu qullaawu dargisira hee're, buxoho annaho; gunnootaho malannoho.

LAWISHSHA 15:25

Kaaliiqi boonaleessu mine diiganno; galte shiidhino mancho jajja kayinni agaranno.

LAWISHSHA 4:19

Bushu manni doogo kayinni beebbu tunsichi gedeete; sarraaqe tugannonsareno diaffanno.

ERMIYAASI 49:11

Giddo'ne noore annanna ama afidhinokki ooso anera agurre; galte afi'rinokki meentino ane hexxona.

HOOSEI 14:3

Kaaliiqa! Annanna ama shiidhino buxi atenni maaro afidhanno. Asoori digatisannonke; olu faradono diaddaxxineemmo. Kunni ka'a angankenni seekki'noommota kaphu maganna, ‹Magannankeeti› yine diwoshshi'neemmo» yitine aagintaabbe.

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

UMI QORONTOOSI 3:19

Tenne gobba egenno Maganu albaanni gowwimmate. Hakkuno, «Maganu hayyoole, xagarronsanni amadanno» yine borreessinoonni gedeeti.

MARRO 16:11

Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

YAIQOOBI 1:27

Maganu Annu albaanni keeraanchonna battaabbinokki amma'no: Annanna ama shiidhino ooso, hattonni galte shii'rino meento kaa'la, tenne gobba ishinchiwiinni meessaneete agadhate.