FAARSO 145:18 - Qullaawa Maxaafa

¹⁸ Kaaliiqi woshshidhannosirira, woy taxidhe woshshidhannorira baalaho mule no.

FAARSO 145:18 ပူးပေါင်းရင်းမြစ်များ

FAARSO 119:151

Kaaliiqa'ya, ati kayinni ane mule nootto; hajajokki baalano halaaleho.

FAARSO 119:2

Hajajosi wonshitannorinna, wo'mu wodaninni iso hasidhannori baraadhinoreeti.

FAARSO 17:1

Kaaliiqa ballo, keeraanchu wodaninni shiqishi'reemmota eeggo'ya, xagarro nookki afiinni fultannota huuccatto'ya macciishshie.

FAARSO 34:18

Kaaliiqi dadillunni hiiqqantinorira mule noonsa; hexxo hoogginore gatisannonsa.

FAARSO 46:1

Maganu golonkeetinna wolqankeeti; qarru iillannonke yanna baalate kaa'late qixxaawaho.

FAARSO 46:5

Kaaliiqi mereerosi noo daafira katamu dishafamanno; Kaaliiqi konne katama soodo balaxe kaa'lanno.

LAWISHSHA 15:8

Kaaliiqi bushuullu kakkalo giwanno; keeraanote huuccatto kayinni tashshi assitannosi.

ISAYAASI 58:9

Kunni garinni heedhine huuccidhiniero, anino huuccatto'ne macciishsheemmo. Kaa'lo hasidhine raartinanni woyite, raare'ne hidheemmo. «Gadadisa'ne agurtiniro, manna arrassanna bunshe coyi'ra uurrissiniro,

ERMIYAASI QURTO 3:57

Woshshi'rummoheta anewa dagge, «Waajjitooti» yoottoe.

HOOSEI 7:14

Daallasinsa aana haabbe raartannota ikkinnina wodaninsanni anewa higge dihuuccidhanno. Gidenna woyinete xajje afidhara kayinni dagate gede bisonsa huduuxxitanni huuccidhanno; ane aanano mokkookkitanno.

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

YOHAANNISI 14:23

Yesuusino, «Baxannoehu qaale'ya wonshanno. Anni'yano baxannosi; lamunku dange ledosi hee'neemmo.

YOHAANNISI 4:24

Maganu Ayyaanaho; magansidhannosirino Ayyaanunninna halaalunni magansidhasira hasiisanno» yiise.

MARRO 4:7

Woshshi'neemmo yanna baalantera Maganinke Kaaliiqi ninkera mulenke hee're dawarannonkente gede, isi Maganinke gedeehu wolu magani noonsati wole bayira woy maa'ne gosa mama no?

YAIQOOBI 4:8

Maganunniwa shiqqi yiiyye; isino ki'newa shiqqi yaanno. Ki'ne cubbaataammu, anga'ne hayishshidhe! Ki'ne lame hedori, wodana'ne xaphi assidhe.