FAARSO 145:10 - Qullaawa Maxaafa

¹⁰ Kaaliiqa, kalaqoottohu baalu galatannohe; mannikki baalu guwisannohe.

FAARSO 145:10 ပူးပေါင်းရင်းမြစ်များ

FAARSO 103:22

Gashshootisi giddo heedhinoonni kalaqami baalu, Kaaliiqa galatte. Lubbo'ya atino Kaaliiqa galati!

FAARSO 104:24

Kaaliiqa, ati lowore kalaqootto; baalanka ogimmakkinni seekkootto; baattote ati kalaqoottori wo'mino.

FAARSO 149:5

Maganu mannira qeelle afi'ratenni tashshi yoonsa; hashsha wo'ma hagiirrunni faarso.

FAARSO 19:1

Gordu Maganu ayirrinye kulanno; gordu dukkani angasi looso duduwanno.

FAARSO 22:23

Ki'ne Kaaliiqa waajjitinanniri galattesi; Yaiqoobi sirchi baalunku ayirrissesi; Israeelete manni baalunku waajjesi.

FAARSO 30:4

Ki'ne Maganu manna, Kaaliiqira faarse; Qullaawa ikkinota qaagginanni galata uuyyesi.

FAARSO 30:5

Hanqisi shiima yannaraati; shaqqillisi kayinni hegereraati. Hashsha wi'linanni galliro nafa, soodanno woyite hagiirre afi'nanni.

FAARSO 32:11

Keeraano! Kaaliiqinni tashshi yoo'nena, hagiidhe; wodana subbinoonniri baalu ilillisse.

FAARSO 57:9

Mooticha! Gosate mereero galateemmohe; dagate mereerono faarseemmohe;

FAARSO 68:26

«Magano songote mereero galattesi; Israeelete sirchi baalu Kaaliiqa galattesi!» yaanno.

FAARSO 69:35

Maganu Tsiyooni gatisanno; Yihudu katamma galagalche minanno; mannisino hakkiicho hee'ranno; baattono amadanno.

FAARSO 97:12

Ki'ne keeraano Kaaliiqinni tashshi yoo'ne; Qullaawa Magano, assino danchummara galattesi.

ISAYAASI 44:23

Kaaliiqi mannasi Israeele gatise jawimmasi egensiisinona, ki'ne gorduwa hagiidhitinanni faarse! Baatto atino ilillisi Ilaalla, dubbunna giddo heedhinoonni haqqe baala, hagiidhitinanni kukkubbe!

IBIRAAWOOTA 13:15

Kunnira, Yesuusi Kiristoosi widoonni qolle wo'ma woyite galatu kakkalo Maganoho shiqinsho. Tini kakkalo suumenkenni, «Isi Mootichankeeti» yine uyineemmote.

UMI PHEEXIROOSI 2:5

Mootichu Yesuusiwa shiqqinannihuno, heeshshote kinna gede ayyaanaamo mine ikkitine minamateeti. Kunni garinni Yesuusi Kiristoosi widoonni tashshi assitannota ayyaanaame kakkalo Maganoho shiqishate qullaawa qeesoota ikke.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.