FAARSO 145:1 - Qullaawa Maxaafa

¹ Magano'yanna moote'ya, lowimmakki duduweemmo; hegerera galateemmohe.

FAARSO 145:1 ပူးပေါင်းရင်းမြစ်များ

UMI DUDUWO 29:13

Maganonke, ninke xa ate galanteemmohe; ayirrado su'makkino guwinseemmo.

FAARSO 100:1

Baattote aana heedhinoonni gosa baala, Kaaliiqira ilillisse.

FAARSO 118:28

Ati Magano'ya ikkoottohura galaxxeemmohe; jawimmakkino duduweemmo.

FAARSO 145:21

Ani wo'manka woyite Kaaliiqa galaxxeemmo; kalaqinonsari baalu qullaawa su'masi hegerera guwisso!

FAARSO 146:2

Heeshsho'ya diri baalunkunni Kaaliiqa galateemmo; hee'reemmo diri baalunkunni Magani'yara faarseemmo.

FAARSO 149:2

Israeelete manna! Kalaqaanchi'nenni tashshi yoo'ne; Tsiyooni manna! Moote'nenni hagiidhe.

FAARSO 30:1

Kaaliiqa, gatisoottoehuranna, baarigaarra'ya hagiidhitannoe gede, assoottoekki daafira galateemmohe.

FAARSO 30:12

Kunnira sammi diyeemmo; wo'mu wodani'yanni faarseemmohe; Kaaliiqa Magano'ya, hegerera galateemmohe.

FAARSO 30:2

Kaaliiqa Magano'ya, kaa'lattoe gede, atewa hige raaroommo; atino hursittoe.

FAARSO 34:1

Kaaliiqa wo'manka woyite galateemmosi; galatisino wo'manka woyite afii'yanni dibaxxanno.

FAARSO 44:4

Magani'yanna moote'ya ateeti; mannikkirano qeelle aattohu ateeti.

FAARSO 45:1

Wodani'ya dancha coye malanno; geewo'yano mootete kuleemmo; arrawi'ya rahino borreessaanchi biire gedeeho.

FAARSO 45:6

Magano! Mootimmakki hegerete; mannakki halaalunni gashshatto.

FAARSO 5:2

Magano moote'ya, ate huucci'reemmona, kaa'lote raareemmo raare macciishshie.

FAARSO 5:3

Kaaliiqa, soodimaroho qoonqo'ya macciishshatto. Anino soodimaroho huuccatto'ya atewo shiqishi're dawaro agadheemmo.

FAARSO 52:9

Assoottoehu danchu coyira hegerera galaxxeemmohe; su'mikki danchumma mannikki xaadinowa lallaweemmo.

FAARSO 68:4

Maganoho geebbe; su'misirano galatunni faarse; gomicho gulufe ha'rannohura doogo qixxeesse; su'misino Kaaliiqaatina, isi albaanni hagiidhe.

FAARSO 75:9

Ani kayinni Yaiqoobi Maganire hegere geeshsha duduweemmo; isira galatunni faarseemmo.

FAARSO 95:3

Kaaliiqi lowo Maganooti; maganna baalate aliidi mooteeti.

FAARSO 96:2

Kaaliiqira faarse; iso galatte; barru barrunku gatisaanchimmasi dudubbe.

ISAYAASI 33:22

Coyenke afannohu Kaaliiqaati; gallanni seera kulannonkehu mootenke isooti; gatisannonkehuno isooti.

ISAYAASI 38:20

Kaaliiqi gatisannoe; kunnira lubbotenni hee'noommo geeshsha, isi mine galatu faarso maasinqotenni faarsineemmo.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

MILKIYAASI 1:14

Saadasi giddo dancha saada aate xa'ne kae, minshoonni saada shiqishannohu dogaanchu manchi rumaminoha ikko. Ani jawa mooteeti; Olantote Mootichaati; daga baalano su'ma'ya waajjitanno» yii.

MAATEWOOSI 25:34

«Hatte yannara Moote qiniitesiinni noore, ‹Ki'ne Anni'ya maassi'rino'neri! Amme! Alame kalaqantuhunni kayise qixxaawino'neha Gordu Gashshoote ragidhe!

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.