FAARSO 144:2 - Qullaawa Maxaafa

² Kaaliiqi hale'yaatinna golo'yaati; mine'yaatinna gatisaancho'yaati; iso addaxxe keere hee'reemmo; isi gosa baala anera gashshantannoe gede assanno.

FAARSO 144:2 ပူးပေါင်းရင်းမြစ်များ

FAARSO 110:3

Olaho fulatto barra olantokki baxxe ledokki fultanno; ilamitto waro qullaawa ikkakki xabbanni no; ilamitto yannanni kayisse ati soodo loji gedeeho.

FAARSO 18:2

Kaaliiqi golo'yaati; qiisho'yaatinna gatisaancho'yaati; Magani'ya maaxameemmo godaati; wonqo ikke gargarannoe; ha'leno gatisannoe; isi anera seeda shaeeti.

FAARSO 18:47

Rabba qolannoe Magani, daga anera woroonni galtanno gede assanno.

FAARSO 59:9

Magano! Ati jawaante'yaatina, addaxxeemmohe.

FAARSO 84:9

Magano! Doorte buuroottoha mootenke maassi'ri; agaraanchonke towatisi.

FAARSO 91:2

Kaaliiqano, «Ati qiisho'yaatinna golo'yaati; hexxeemmohe Maganooti» yaanno.

LAWISHSHA 18:10

Kaaliiqi su'mi kinchu huxxaati; keeraanchu manchi hakkiira xooqe keere hee'ranno.

ERMIYAASI 16:19

Kaaliiqa, ati jawaante'yaatinna golo'yaati; ati qarru barra maaxameemmowaati. Gobba baalantenni gosa atewa shiqqe, «Akaakkankera kaphu maganna agurranna noonsari dino; misilla baalanti mittoreno dikaa'litannoreeti» yitanno.