FAARSO 143:2 - Qullaawa Maxaafa

² Mittuno keeraanchu nookkita ati afoottona, ane soqqamaanchokki yoote shiqishshootie.

FAARSO 143:2 ပူးပေါင်းရင်းမြစ်များ

UMI MOOTOOLLA 8:46

«So'rannokkihu nookki daafira, mannikki cubbo looseenna hanqite diininsa qeelannonna qafade wole gobba xeerto woy mulira haa're ha'rannonsa gede assatto.

IYYOOBI 14:3

Ane togoohu aana illekki mayira woratto? Albikkira yoote mayira shiqishattoe?

IYYOOBI 15:14

«Mannu fayyaaleessa ikkara dandaannoni? Halaalinta Maganu albaanni keeraanchu nooni?

IYYOOBI 25:4

Maganu albaanni, mannu keeraa'mara, ilaminohu baalu fayyaaleessa ikkara dandaannoni?

IYYOOBI 4:17

Tini huurono, ‹Mannu Maganu albaanni keeraancho ikkara, woy kalaqaanchisi albaanni keeraa'mara dandaannoni?

FAARSO 130:3

Cubbonke kiiroottoha ikkoommero, gatara dandaannohu ayeti?

FULO 34:7

Bagamannokkihu baxilli'ya kumunni kiirranni ilamara iillanno; sao, sarxonna cubbo agureemmo; ikkirono, sao assinoha horonta dikeereenseemmo; annuwate cubbira ooso sasenna shoole ilama geeshsha qorichisheemmo Maganooti» yee kulisi.

ROSIISAANCHO 7:20

Mitte so'rono assikkinni, wo'manka woyite dancha looso calla loosannohu baattote aana mittuno dino.

ROOMU SOKKA 3:20

Seeru mannu baalu cubbaataamo ikkinota leellishanno daafira, Maganu albaanni Muse Seera agadhatenni keeraawannohu dino.

GALATIYU SOKKA 2:16

Ikkollana, mannu keeraa'mannohu Yesuusa Kiristoosa amma'natenni ikkinnina, Muse Seera wonshatenni ikkinokkita anfoommo. Ninkeno Seera agadhine ikkikkinni, Kiristoosa amma'nine keeraa'minammora Kiristoosa Yesuusa amma'ninoommo. Ayino Seera agadhatenni dikeeraa'manno.

UMI YOHAANNISI 1:10

«Cubbo diloonsoommo» yinummoro, Magano kaphaancho assineemmo; qaalisino giddonke dino.