FAARSO 143:10 - Qullaawa Maxaafa

¹⁰ Ati Magano'yaati; hedoottore asseemmo gede kaa'lie; shaqqadu ayyaanikki xalala doogo qole haa're haroe.

FAARSO 143:10 ပူးပေါင်းရင်းမြစ်များ

NEHIMIYA 9:20

Danchummakkinni assate hasiisannore baala kuloottonsa; ittannota ‹Menna› yinanni sagalenna agganno waano uyittonsa.

FAARSO 118:28

Ati Magano'ya ikkoottohura galaxxeemmohe; jawimmakkino duduweemmo.

FAARSO 119:12

Kaaliiqa'ya, galaxxeemmohe; wogakki rosiisie.

FAARSO 119:35

Hajajokki tashshi yitannoe daafira, wonsheemmo gede kaa'lie.

FAARSO 139:24

Giddo'ya sao nooro lai; hegere doogo aanano ha'risie.

FAARSO 140:6

Kaaliiqa, «Ati Magano'yaati» yeemmosi; Kaaliiqa'ya ballo, kaa'lokki afi'rate raareemmo woyite macciishshie.

FAARSO 22:1

Magano'ya! Magano'ya! Mayira agurittoe? Anewiinni mayira xeerti'ritto? Raare'ya macciishshite mayira gatisa giwittoe?

FAARSO 23:3

Lubbo'ya haaroonsanno; su'misi daafira yee, keeraanchimmate doogora ha'risannoe.

FAARSO 25:12

Waajjannosi manna, Kaaliiqi doorantino doogo aana ha'risannonsa.

FAARSO 27:11

Kaaliiqa eeggate, doogokki rosiisie; duggannori agarte nooe daafira, keeraancho doogo ha'risie.

FAARSO 31:14

Kaaliiqa, ani kayinni ate addaxxeemmo; «Ate Magano'yaati» yeemmo.

FAARSO 63:1

Magano'ya! Ati anera Magano'yaati; ani ate lowo geeshsha sinsinnaawoommo; manninati'ya ate yoranno; waa hoogge buko ikkite mooltino baatto gede lubbo'ya ate goodhanno.

ISAYAASI 29:10

Kaaliiqi jalli assino'ne daafira goxano adhite ba'ino'ne. Himanaanonna ajuuja la'annori mannaho ille ikka hasiissinonsa; Kaaliiqi kayinni illensa beeshshino.

ISAYAASI 63:14

Lagichaho bobbahanno lali gede, Kaaliiqi Ayyaani fooliishsho uyinonsa. Su'mikki ayirranno gede kunni garinni haadhe ha'roottonsa.

MIKIYAASI 4:2

kuni mannino, «Seera Tsiyooni, Maganu qaaleno Yerusaalamete anfanni daafira, amme Kaaliiqi ilaala fullona; amme ka'a Yaiqoobi Magani mini huuccattonnihuwa ha'nona. Isi hedinore assineemmo gede rosiisannonke; ninkeno isi doogo hinge ha'neemmo» yaanno.

KIIRO 9:22

Gomichu mitto barra woy mitto agana woy mitto diro Dukkanu aana keeshshiro, Israeelete mannino hakkeeshshi yanna noo qachira keeshshanno. Ka"anno woyite kayinni ka'e hadhanno.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

YOHAANNISI 14:26

Anni'ya ane su'minni soyanno'nehu jawaachishannohu Qullaawu Ayyaani kayinni baalankare rosiisanno'ne; ani kuloommo'nere baalanka qaagiissanno'ne» yii.

ROOMU SOKKA 15:13

Hexxo'ne Qullaawu Ayyaani wolqanni lophitanno gede, hexxo aanno Magani amma'nitinoonnisi daafira hagiirrenna keere wonsho'ne.

ROOMU SOKKA 15:30

Roduuwa'ya, anera seekkitine Magano huuccatenni hale ikkitinannie gede, Mootichinke Yesuusi Kiristoosinninna Qullaawu Ayyaani baxillinni huucci'reemmo'ne.

ROOMU SOKKA 5:5

Uyinoonninkehu Qullaawu Ayyaani widoonni Maganu baxilli wodaninkera wo'minohura, hexxo di"irraawissannonke.

ROOMU SOKKA 8:2

Kiristoosi Yesuusinni afi'nanni heeshsho aanno Ayyaani Seeri, cubbunna reyote seerinni keere fushshinoe.

ROOMU SOKKA 8:26

Huucci'nanni gara egenninoommokki daafira, wolqa hoogankera Qullaawu Ayyaani kaa'lannonke. Qullaawu Ayyaanino, kulle dandiineemmokki hinciiccamanni ninke afoo ikke huuccannonke.

EFESOONI SOKKA 4:30

Wodamate barrira sumudantinoonniha Qullaawa Maganu Ayyaana dadillissinoonte.

EFESOONI SOKKA 5:9

Xawaabbu addi addi danchumma, keeraanchimmanna halaale baala laalanno.

LAYINKI XIMOOTEWOOSI 1:7

Maganu wolqanniha, baxillunnihanna umo qee'late Ayyaana ikkinnina waajjillu ayyaana diuyinonke.

IBIRAAWOOTA 13:21

Hedinore wonshate guuta manna ikkitinanni gede, Keeru Magani dancha coye baala qodhisiiso'ne. Hagiirsiisannosire Yesuusi Kiristoosinni ninke widoonni qole asso. Yesuusi Kiristoosira hegere geeshsha ayirrinyu iillosi! Hamii'ni!

UMI YOHAANNISI 2:27

Isiwiinni adhitinoonnihu buuranno Ayyaani giddo'ne hee'ranno daafira, wole rosiisaancho dihasiisanno'ne; isi Ayyaani duuchankare rosiisanno'ne. Rosiisanno'neri halaaleho ikkinnina kapho di"ikkino; ki'neno rosiisino'ne garinni isinni heedhe.