FAARSO 142:2 - Qullaawa Maxaafa

² Laala'ya baala albisira shiqishi'reemmo; mitiimma'ya baala ku'leemmosi.

FAARSO 142:2 ပူးပေါင်းရင်းမြစ်များ

FAARSO 28:1

Kaaliiqa golo'ya eeggate, ate woshshi'reemmo; huuccatto'ya macciishsha gibbootie; sammi yite giwittoero kayinni bale ea'yaati.

FAARSO 42:4

Ani albaanni hige lowo manni ledo Maganu Minira ha'ranna, ayyaana ayirrissannori galatu faarsonni Magano galattino; konne coye qaaganna wodani'ya dadillunni hiiqqami.

FAARSO 62:8

Manna! Wo'manka woyite iso addaxxe; isi golonkeetina, qarra'ne baala isira hasaaphe.

ISAYAASI 26:16

Kaaliiqa, qarrantu yannara atewa daggino; seejjittonsa waro hashaashshe huuccidhino.

ROOMU SOKKA 8:26

Huucci'nanni gara egenninoommokki daafira, wolqa hoogankera Qullaawu Ayyaani kaa'lannonke. Qullaawu Ayyaanino, kulle dandiineemmokki hinciiccamanni ninke afoo ikke huuccannonke.

IBIRAAWOOTA 5:7

Yesuusi tenne gobbara mannu gede ikke hee'ri yannara, reyotenni gatisasira dandaanno Magani widira hige qoonqosi naggi asse wi'le lowo hindiiddonni huucci'ri. Maganu joongillesinna owaantesi lae huuccattosi macciishshisi.