FAARSO 142:1 - Qullaawa Maxaafa

¹ Qoonqo'ya naggi asse Kaaliiqiwa hige raareemmo; kaa'lannoe gede woxarateemmo.

FAARSO 142:1 ပူးပေါင်းရင်းမြစ်များ

UMI DUDUWO 4:10

Yaabeetsi, «Magano'ya ballo, maassi'rie; gobba'yano halashshie; angakkino anewiinni faffoonke"e; xiwameemmokki gede gawajjannoeriwiinni agarie» yee Israeelete Magano Kaaliiqa huucci'ri. Isino huucci'rinore wonshisi.

FAARSO 141:1

Kaaliiqa'ya ballo, ate woshshi'reemmona, rakke kaa'lie; atewa hige raareemmo woyite macciishshie.

FAARSO 28:2

Anga'ya Qullaawu Minikki widira kayiseemmo yannara, kaa'lote huucci'reemmo huuccatto macciishshie.

FAARSO 30:8

Kaaliiqa, ate woshshi'roommo; kaa'lattoe gedeno woxaratoommo.

FAARSO 32:1

Saosi agurroonnisihu, Maganu cubbosi haa're hoolinosihu ba'raa'rinoho.

FAARSO 54:1

Magano ballo, su'mikkinni gatisie; wolqakkinni keereensie.

FAARSO 57:1

Lubbo'ya ate addaxxitinona mararie; Magano ballo, mararie; qarru dambali sa"a geeshsha, qoolikki giddo maaxameemmo.

IBIRAAWOOTA 11:38

Halallitte gobbaranna gaarrate raataabbino; goddatenna ballate giddo heedhino. Tini gobba insara maltinota di"ikkitino.

UMI SAAMUEELI 24:3

Saaoolino doogote gama nootewa ge'reewu goo'raannawa iilliti, godu giddora shumate ei. Hatte yannara Daawiti mannisi ledo godaho giddoonni ofolle no.

UMI SAAMUEELI 24:4

Ledosi manni Daawiti, «Kaaliiqi, ‹Hasi'rittota assattora diinakki angakkira sayise eemmohe› yee coyi'rinohe barri techooti» yiisi. Daawitino yaasanni mare ayino afikkinni Saaooli uddano handaara mure haa'ri.