FAARSO 140:10 - Qullaawa Maxaafa

¹⁰ Giirate kashili aanansa uwo; balete giddo tuganto; hakkiinnino horonta fultoonke.

FAARSO 140:10 ပူးပေါင်းရင်းမြစ်များ

KALAQAMA 19:24

Kaaliiqi Soddoomunna Gomooru aana gordunni giiranna ruqano dirrisi.

FAARSO 11:6

Bushuullu aana ruqanonna giirate buwano dirrisanno. Giirtanno diilallo abbe aanaho ganannonsa.

FAARSO 120:4

Quxaminohu gaaddote maxxinninso, giirate kashilinni giiri'nero woyyate?

FAARSO 21:9

Daatto waro, booso giira gede bushshattonsa; Kaaliiqi hanqisinni hunannonsa; giirano ittannonsa.

FAARSO 55:23

Magano, ati kayinni bushuulle qile balera tugi; manna shitannorinna dogaasine taaloote dirono diheedhanno; ani kayinni ate hexxeemmo.

FAARSO 64:9

Hatte yannara, mannu baalunku waajjanno; insano wodanunni sammi yite assitannore maltanno; Maganu loosono faajjete dudubbanno.

FAARSO 7:17

Kaaliiqa, halaalaanchimmasi daafira, galateemmosi; Wo'munkura Aliidi Maganira galatunni faarseemmo.

LAWISHSHA 28:10

Suwadda busha doogo qole haa're ha'rannohu, isi umisi umino balera uwanno; keeraanchoho kayinni geedo seekkannosi.

LAWISHSHA 28:17

Manna shiinohu, reya geeshsha bararraaqanni hee'ranno; ayino kaa'loonkesi.

MAATEWOOSI 13:42

Goolu giira giddo tungeenna hakkiicho wi'litanni suumensa ittanno.

MAATEWOOSI 13:50

Cubbaataamma goolu giira giddo tuggeenna hakkiicho wi'litanni suumensa ittanno» yii.

YOHAANNIS AJUUJA 20:15

Su'mansa heeshshote maxaafira borreessinoonnikkire baala giirate baari giddo tungi.

YOHAANNIS AJUUJA 21:8

Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.