FAARSO 137:3 - Qullaawa Maxaafa

³ Qafaddunkerinna shetissunke mannooti faarsinanni hagiirsiinseemmonsa gede, «Tsiyooni faarso giddonni mitte faarsenke» yitinonke.

FAARSO 137:3 ပူးပေါင်းရင်းမြစ်များ

UMI DUDUWO 15:27

Daawiti dancha gede shaashshine gannoonni kaabbanna gagasu uddano uddi're no. Faarsaano baala, Faarsaanote roorrichi Kenaaniyanna Gondooru Taaboota dukkino Leewaawooti dancha gede shaashshine gannoonni uddano uddidhe no.

UMI DUDUWO 16:7

Daawiti Asaafiranna gattino Leewaawootira Kaaliiqira galatu faarso shiqishate annimma uyinonsahuno hakka warooti.

NEHIMIYA 4:2

Jaallasinna Samaariyu gaaddo albaanni, «Kuri dhukiweelootu Ayihude ma"assitara heddino? Katama galagalchite mintara heddinoni? Kakkalo shiqishatenni looso mittu barrinni guddara dandiitannoha lawannonsani? Huxxaho ikkitanno kinna giirante duunantinote giddonni fushshate dandiita ikka?» yaanni qacifatinsa.

FAARSO 65:1

Magano! Atera Tsiyooni galatu malinohe; ninkeno atera xa'ninoommo xano wonshineemmo.

FAARSO 79:1

Magano! Daga utuwikki giddora e'u; Qullaawa Minekkino batteessitu; Yerusaalameno diiggu.

FAARSO 80:6

Qooxeessinkera heedhanno gosa, hettissannonke gede assoottonke; diininkeno qacifatinonke.

FAARSO 9:14

Konne assittoero, Tsiyooni nafarchira uurre, galatakki baala kuleemmo; gatisoottoehurano hagiidheemmo.

LAWISHSHA 25:20

Dadilline hee'neenna faarso faarsa, qiidi'ne hee'neenna uddano mulqatenna, madate aana caarsannoricho dunate gedeeti.

ISAYAASI 35:10

Kaaliiqi wodinonsa manni galagale hige, faarsanni Tsiyooni eanno; hegere hegerera hagiirru ba'latto wodhitanno. Hagiirrenna hisanyoote haraqidhanno; yaaddonna dadillu mulinsanni xooqanno.

ISAYAASI 51:11

Ati Kaaliiqi gatisoottonsari faarsitanni Yerusaalame higganno; hegere hagiirre haraqidhanno. Hagiirrenna hisanyoote afidhanno; yaaddonna dadillu insawiinni xooqanno.

ERMIYAASI 26:18

«Morisheeti Katamihu Mikiyaasi Yihudu moote Hiziqiyaasi yannara himanaanchoho. Isino Yihudu manni baalunkura, Olantote Mootichi Kaaliiqi, ‹Tsiyooni loosi'nanni gati gede ikke hawuuramanno; Yerusaalameno diingoonni duuno gede ikkitanno; Qullaawu Mini noo gaarino dubbo ikkanno› yee coyi'rino.

ERMIYAASI 9:11

«Ani hedoommore asseemmo barra, Yerusaalamenna Yihudu katamma baala, diigante duuno ikkite gattanno; yeedaala calla galtannowa asseemmo» yii.

MIKIYAASI 3:12

Kunnira, ki'nenni kainohunni Yerusaalamete Katami loosi'nanni darga ikke gatanno. Diigame duuno ikkanno. Qullaawu Mini minamino ilaalino dubbo ikkanno.

LUQAASI 21:6

Yesuusi qole, «Kuni la'inannihu, kinchu kinchu aana duunamino gedeenni hee'rannokki yanna dagganno. Tini kinna baala mitto barra diigantanno» yiinsa.