FAARSO 137:1 - Qullaawa Maxaafa

¹ Baabilooni wayibba mule ofolline, Tsiyooni qaangummo woyite wi'linoommo.

FAARSO 137:1 ပူးပေါင်းရင်းမြစ်များ

IZIRA 8:21

Ninkenna oosonke, hattono jajjanke baala agarannonke gedenna ha'neemmo doogo keere assannonke gede, Ahawa Wayi mule Maganinke albaanni umonke shollinshe itanna aga agurre huucci'neemmo gede lallawummo.

IZIRA 8:31

Ninkeno umi aganira tonaa layinki barra Yerusaalame ha'rate Ahawa Wayi mulinni ka'nummo. Maganinke anga ledonke noonte gede, isino diinnankenna doogote gaa'lite agartannonkeriwiinni gatisinke.

NEHIMIYA 2:3

«Moote, ati hegerera hee'ri! Akaakka'ya madaarantino katami diigameenna huxxu cufannano giirante gooffeenna hiitto dadilla hoogeemmo?» yee dawaroommo.

FAARSO 42:4

Ani albaanni hige lowo manni ledo Maganu Minira ha'ranna, ayyaana ayirrissannori galatu faarsonni Magano galattino; konne coye qaaganna wodani'ya dadillunni hiiqqami.

ISAYAASI 66:10

Yerusaalame baxxinanniri tashshi yoo'ne! Ise daafira wi'litinanniri ledose hagiidhe!

ERMIYAASI 13:4

«Hidhoottota giddoyidi uddano haadhe Efiraaxisi Wayiwa massite kinchu dadhamme giddo maaxi» yiie.

ERMIYAASI 15:17

Faasiiqqannori ledo hose dihagiidhoommo; ate anga noommo daafira, giddo'ya wonshoottoha hanqokki mannaho leellishanni, calli'ya ofolle noommo.

ERMIYAASI 51:13

Ati jajjabbu wayi mule hee'rattohu, dureessu Baabilooni! Goofimarchikki dayino; qocci yite ta"atto yanna daggino.

ERMIYAASI 8:19

Hanni macciishshe! Manni'ya fafo gobbara hee're, «Kaaliiqi kataminkera Tsiyooni dihee'ranno? Mootenke hakkiicho dihee'ranno?» yaanni, raaranno raare macciishshoommo. Kaaliiqi mootensa, «Misillanna wole gobbata kaphu maganna, magansi'ratenninna kumbuulatenni, ane mayira hanqissinannie?» yee coyi'rinsa.

ERMIYAASI QURTO 1:16

Hindiiddo ille'yara wo'mite du'nantannohu kunniraati; sheshifachishaeranna jawaachishaera dandaannohu mittuno dino; diinu qeelinoe; manni'ya giddonnino gatinohu dino.

ERMIYAASI QURTO 2:18

Yerusaalame! Huxxuwakki Kaaliiqiwa higge raarto; hindiiddokkino hashshanna barra xashshimma lolakko; wi'latenna dadillunni umokki daafursi. Wi'la uurrissooti; hindiiddono illekkinni qoortoonke.

ERMIYAASI QURTO 3:48

Manni'ya ba"anni kainohunni, ille'yanni hindiiddo xashshimma lolakkanno.

ERMIYAASI QURTO 3:51

Katamu meentira iillino shollinye baala laummo yannara, wodani'ya dadilli.

HIZIQEELI 1:1

Sajjiikki diro shoolki aganira ontikki barra, Baabilooni gobbara Kebaari Wayi mule Yihudunni qafadantinori ledo hee're gordu fa'nameenna, Magano ajuujatenni afoommo.

HIZIQEELI 1:3

Kaaliiqi qaali ani hakko Kebaari Wayi mule hee'reenna ane Buuzi beetti qeesichu Hiziqeeliwa dayi. Hatte yannara, ane wolqasi irkisse nooe.

HIZIQEELI 3:15

Hakkunni gedensaanni, Kebaari Wayi mule noohuwa Abiibi Gaariwa dayummo. Kuni dargino qafadamino manni hee'rannowaati. Laoommorinna macciishshoommori baalu waajjisheennae jalli yoommo daafira, hakkiicho insa ledo 7 barra keeshshoommo.

DAANIEELI 9:3

Xiddu uddano uddi're, buluulu aana ofolle, ita aga agure, Mooticha Magano eegame huucci'rummo.

LUQAASI 19:41

Yesuusi Yerusaalame iille laihu gedensaanni katamu daafira wi'li.

YOHAANNIS AJUUJA 11:3

Lamunku farci'raasine'ya xiddu uddano uddidhe, 1,260 barra sokka'ya kultanno gede soyemmo» yinie.