FAARSO 136:16 - Qullaawa Maxaafa

¹⁶ Mannasi halallitte gobbara massagino; bagamannokkihu baxillisino hegerehona.

FAARSO 136:16 ပူးပေါင်းရင်းမြစ်များ

NEHIMIYA 9:12

Barra gomichunni massagoottonsa; hashsha bubbanno giiranni doogo xawisoottonsa.

NEHIMIYA 9:19

Ikkollana, maarokki bati'ra ikkitino daafira, hattenne halallitte gobbara dicallachishoottonsa. Wo'manka woyite barra gomichunni, hashsha giiratenni massagoottonsa.

FAARSO 77:20

Ge'reewoho albaanni ha'ranno allaalaanchi gede, mannakki Musenna Aarooni widoonni qolte massagootto.

FULO 13:18

Kunni daafira, Duumu Baari widoonni halallitte gobba giddoonni qole haa're ha'rinsa; Israeeleno olaho qixxaawinohu gede ikkite Gibitsetenni fultu.

FULO 15:22

Muse Israeele Duumu Baari giddoonni qole, Shuuri yinannita halallitte gobba haa're massi; 3 barra wo'ma halallitte gobbara hadhanni waa diafidhino.

ISAYAASI 49:10

Mararannonsahu wayi buicho widira qole haa're ha'rannonsa daafira, hudenna goo'ro diamaddannonsa; halalli fooggalinna arrishshote iibbilli digawajjannonsa.

MARRO 11:5

Halallitte gobbanni ka'ine kawiira iillitini geeshsha, assino'nere ki'ne affinoonni.

MARRO 8:15

Hakko hala'ladonna waajjishshanno baatto halallitera, hattenne goo'riissitannoteranna wayi nookkitera, harfaamu hamasinna iddu noo baattora albisino'ne; jaamu kinchi giddonnino waa fushshino'ne.

MARRO 8:2

Magani'ne Kaaliiqi hajajosi agadhitinannitanna hoogginannita afara, affinanni gede assa'neranna jife la"a'nera kunni shoyilluu diri giddo tenne halallitte baatto baalate asse haa're ha'rino'ne gara qaagge.