FAARSO 134:2 - Qullaawa Maxaafa

² Qullaawa Mine anga'ne huuccattote kayissine Kaaliiqa galatte.

FAARSO 134:2 ပူးပေါင်းရင်းမြစ်များ

NEHIMIYA 8:6

Izira, «Jawu Magani Kaaliiqi galatamo!» yii. Mannu baalunku anga iima qole kayise, «Hamii'ni! Hamii'ni!» yee dawari. Baattote aana gombisame albunni uulla kisanni Maganoho kumbuuli.

FAARSO 141:2

Huuccatto'ya hixaanu gede, diriirtinota anga'yano hawarro kakkalo gede assite lai.

FAARSO 26:6

Kaaliiqa, beebbatewiinni xeerti'roommota egensiisate, anga'ya hayishshi'reemmo; ate magansi'rate kakkallanni darga mare doyemmo.

FAARSO 28:2

Anga'ya Qullaawu Minikki widira kayiseemmo yannara, kaa'lote huucci'reemmo huuccatto macciishshie.

FAARSO 63:2

Qullaawu Minikki giddo laeemmohe gedenna, wolqakkinna ayirrinyekki afeemmo gede assie.

FAARSO 63:4

Lubbotenni noommo geeshsha galaxxeemmohe; anga'ya fane ate huucci'reemmo.

FAARSO 63:5

Adonna buuro aginohu gede hagiidheemmo; ateno galatunni faarseemmo.

ERMIYAASI QURTO 2:19

Oosokki dooggate madde baalate, hudetenni reyitaraatina, hashsha wo'ma marro marro higge, baqqi yite Kaaliiqiwa raari. Wodanikkira noore co'o assite isira kulatenni, oosokkira maaro huucci'ri.

ERMIYAASI QURTO 3:41

Gordoho heeranno Maganiwa qolle, wodanankenna anganke kayinse,

UMI XIMOOTEWOOSI 2:8

Kunnira, addi addi darga noo labballi hanqonna gibbo agurte, qullaawa angansa iima qolte kayisse huuccitanno gede hasi'reemmo.