FAARSO 132:2 - Qullaawa Maxaafa

² Kaaliiqa ballo, atera coyi'rino qaalenna, Wo'manka Dandaattohura Yaiqoobi Maganira xa'nino xano qaagi.

FAARSO 132:2 ပူးပေါင်းရင်းမြစ်များ

KALAQAMA 49:24

Kayinnilla, jawaatu Yaiqoobi Magani wolqanni, allaalaanchu Israeelete agaraanchinni, digaanikki kaajjado ikkanno; wolqakkino jawaattanno.

LAYINKI SAAMUEELI 7:1

Kaaliiqi diinisi baaluwiinni agarinosi daafira, Moote Daawiti mootimmasi mine harshammi yee keere hee'ri.

LAYINKI SAAMUEELI 7:2

Mitto barra Daawiti himanaanchu Naataanira, «Kune ani daguwunni minnoonni minira noommo. Maganunnihu Gondooru Taabooti kayinni dukkanu giddo no!» yii.

UMI DUDUWO 28:2

Baalunku gamba yituhu gedensaanni Daawiti kae uurre, «Manna'ya hanni macciishshe! Maganinke Kaaliiqi lekkasinni kaxxannohanna hegerera Gondooru Taabooti hee'ranno mine minate qixxaawoommo.

FAARSO 119:106

Halaalaancho yookki agadhate, afii'yanni fullo qaale disoorreemmo.

FAARSO 46:11

Olantote Mootichi ledonke no; Yaiqoobi Magani golonkeeti.

FAARSO 50:1

Magannate Magani Kaaliiqi coyi'ranno; soojjaatinni galchimira baattote aaninni manna baala woshshanno.

FAARSO 56:12

Magano! Xa'noommohe xano atera uyi'reemmo; galatu afanshano abbi'reemmohe.

FAARSO 65:1

Magano! Atera Tsiyooni galatu malinohe; ninkeno atera xa'ninoommo xano wonshineemmo.

ISAYAASI 49:26

Gadadissannoheri mimmitonsa shitanno gede asseemmo; insano uminsa mundee agge dimbitanno. Hakkunni gedensaanni ani Kaaliiqi gatisaanchokki ikkoommota, wolqaataamo Israeelete Magano ikkoommota daga baala affanno» yii.

ISAYAASI 60:16

Oososera unuuna qansitanno ama gede, ate daganna mootoolla towattannohe. Atino ani Kaaliiqi gatisaanchokkinna wodeemmoheha, wolqaataamo Yaiqoobi Magano ikkoommota afatta.