FAARSO 132:15 - Qullaawa Maxaafa

¹⁵ Tsiyoonira hasiisannore baala eemmo; buxanesino duubba geeshsha itiseemmo.

FAARSO 132:15 ပူးပေါင်းရင်းမြစ်များ

FAARSO 107:9

Isi goodhinore kassi assannonsa; hudidhinoreno dancha coye ee duushshannonsa.

FAARSO 147:14

Isi dannakki seekke agaranno; dancha qamadeno duushshannohe.

FAARSO 22:26

Buxane duubba geeshsha ittanno; Kaaliiqa hasidhannori galattannosi; insa, heeshshonsa diri baalunkunni qawaaxxidhe heedho!

FAARSO 36:8

Mannakki gooffannokki sagalenni duushshatto; hagiirru xashshono hayikkisattonsa.

FAARSO 37:19

Bushu diri dayenna disaalfattanno; hudete yannarano ikkitanno geeshshi sagale afidhanno.

FAARSO 37:3

Uullate aana keere hee'ratto gede, Kaaliiqa addaxxi; dancha coyeno assi.

FULO 23:25

Ane Magano'ne Kaaliiqa magansidhiniro, anino sagale'nenna waa'ne maassi'reemmo; dhibbano ki'newiinni hooleemmo.

ISAYAASI 33:16

hattoo manchi keere hee'ranno; jawu kinchi qiisho ikkeennasi, itanno sagalenna aganno waano hoogikkinni hee'ranno.

ERMIYAASI 31:14

Qeesootaho dancha sagale duushsheemmo; manni'yarano elto'ya batiseemmo. Konne coye coyi'roommohu ani Kaaliiqaati» yii.

HAGE 1:6

Kuneeti lowoha wixidhine shiima gamba assidhinanni; ittinanni sagale diduushshitanno'nete; agginanniri kassi diassanno'neho; diphitinanniri di"iibbanno'ne; loossine afidhinanni woxi dadhanchu ogorira wodhitinoonnihu gedeeti» yii.

HAGE 1:9

Qoleno, Olantote Mootichi Kaaliiqi, «Ki'ne woyite lowo jajja afi'rate hexxitinoonni; kayinnilla shiima calla afidhinoonni; minira qo'litinoonniha ani ufuufe hunoommo; togo mayira assoommoha lawanno'ne? Hatto assoommohu, ane mini diigame hee'reenna, umi'ne mine biifisi'rate doddinannihuraati.

MILKIYAASI 2:2

Assitinanni coyi baalunni ayirrisse"e. Yoommo'ne gede ikka hoogginiro kayinni, rumo soyemmo'ne; atoote'neno rumeemmo. Wodancha giwa'nenni kainohunni hatto assoommo.

MAATEWOOSI 5:6

Keeraanchimmate daafira hudidhannorinna goodhannori ba'raadhinoreeti; kassino yitannona.

LUQAASI 1:53

Hudidhinore danchu coyinni duushshino; dureeyye kayinni mulla anganni shorrino.

MARRO 14:29

Konne assitinannihu uminsa qeecha woy iqqa afidhinokkiri Leewaawootunna manni gobba manni katamma'nera heedhannori annunna ama noonsakkirinna gunnootu daye ite duuwanno gedeeti. Ki'nerano Magani'ne Kaaliiqi assidhinoonnire baala maassi'ranno'ne.