FAARSO 132:12 - Qullaawa Maxaafa

¹² oosokki gondooro'yanna eemmonsa hajajo agadhituro, ate gedensaanni oosokki hegerera mookkanno» yite horontanni soorrantannokki hexxo oottosi.

FAARSO 132:12 ပူးပေါင်းရင်းမြစ်များ

UMI MOOTOOLLA 2:4

Konne coye wonshittoro Kaaliiqi, ‹Sirchikki qorophotenni hee'riro, wo'mu wodaninninna wo'ma lubbonni ane albaanni halaalunni qaafiro, sirchikki giddonni Israeelete moohannohu dihooganno› yee kulinoe coyi wo'manno.

UMI MOOTOOLLA 8:25

«Israeelete Magano Kaaliiqa! Anni'ya Daawitira, ‹Oosokki atente gede hajajantannorenna ane ledo sumbetenni qaaffannore ikkituro, wo'manka woyite sirchikki giddonni Israeelete moohannohu dihooganno› yootto coye wonshi!

LAYINKI DUDUWO 7:18

annikki Daawitira, ‹Sirchikki giddo Israeelete moohannohu dihooganno› yoommo garinni gashshootekki dhaaweemmo.

FAARSO 102:28

Soqqamaanokki ooso keerunni heedhanno; sirchinsano ate hawaqi're hee'ranno.

FAARSO 115:14

Kaaliiqi ki'nenna ooso'ne, batidhinanni gede asso'ne.

ISAYAASI 59:21

Manna'ya, ani ki'nera Ayyaana'yanna qaale'ya eemmo'ne; kunino ki'neranna maate'nera hegere iqqaati. Konne coye coyi'roommohu ani Kaaliiqaati» yii.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

ERMIYAASI 33:17

Daawiti sirchinni Israeelete moohannohu hoogannokki gede ani Kaaliiqi coyi'roommo.

SOQQAMAASINETE LOOSO 2:30

Ikkollana Daawiti konne coyi'rinohu, himanaancho ikkinohuraatinna Maganu, ‹Sirchikki giddonni mitto ate darga amadanno gede asseemmo› yiinoha hexxote qaale egennino daafiraati.