FAARSO 132:11 - Qullaawa Maxaafa

¹¹ Daawitira, «Ate gedensaanni oosokki giddonni mitticho moohiseemmo;

FAARSO 132:11 ပူးပေါင်းရင်းမြစ်များ

LAYINKI SAAMUEELI 7:12

Dirikki goofeenna annuwakkinni xaadatto yannara, ate giddonni fulannoha mitto kayise moohisiiseemmo; gashshootesino jawaachisheemmo.

LAYINKI SAAMUEELI 7:14

Ani anna ikkeemmosi; isino beetto ikkannoe. So'ro assanno woyite annu beettosi seejjannonte gede seejjeemmosi.

LAYINKI SAAMUEELI 7:16

Aye yannarano sirchikki giddonni gashshootekki ragi'rannohu dihooganno; qoleno gashshootekki geedonniha asseemmo› yiino yite kulisi» yii.

UMI MOOTOOLLA 1:48

‹Techo ooso'ya giddonni mittu ane darga moohanno gede assinohunna konne coyeno laeemmo gede kaa'linoehu Israeelete Magani Kaaliiqi galatamo!› yiino» yee kulisi.

UMI MOOTOOLLA 8:25

«Israeelete Magano Kaaliiqa! Anni'ya Daawitira, ‹Oosokki atente gede hajajantannorenna ane ledo sumbetenni qaaffannore ikkituro, wo'manka woyite sirchikki giddonni Israeelete moohannohu dihooganno› yootto coye wonshi!

LAYINKI DUDUWO 6:16

«Israeelete Magano Kaaliiqa! Xaano soqqamaanchikkira anni'ya Daawitira, ‹Oosokkino atente gede ane albaanni seeri'ya garinni qorophotenni heedhuro, wo'manka woyite sirchikki giddonni ane albaanni Israeelete moohannohu dihooganno› yootto coye wonshi!

LAYINKI DUDUWO 7:18

annikki Daawitira, ‹Sirchikki giddo Israeelete moohannohu dihooganno› yoommo garinni gashshootekki dhaaweemmo.

FAARSO 110:4

Kaaliiqi, «Melketsedeqi gede hegerera, qeesicha ikkatto» yee xaarino; xaarosino soorrantannokkite.

FAARSO 89:33

Kayinnilla, bagamannokkiha baxille'ya Daawitiwiinni dixeertiseemmo; oommosi hexxono badhera diqoleemmo.

FAARSO 89:35

Daawiti dogeemmokki gede, qullaawu su'mi'yanni mitte hige xaaroommo.

FAARSO 89:37

Gordoho soorramikkinni hee'ranno agani gede, mootimmasino hegerera heedhanno» yootto.

FAARSO 89:5

Kaaliiqa, assootto dhaggera gordu galatohe; halaalaanchimmakki daafira keeraano songonsara faarsitohe.

KIIRO 23:19

Maganu mannu gede dikaphanno; mannu gede coyi're digaabbanno. Uyino hexxono wonshanno; coyi'rinore baala assanno.

LUQAASI 1:32

Isi jawa ikkanno; Wo'munkura Aliidi Magani Beettootino yinannisi. Mootichu Maganu, annisi Daawitiha ayirrinyu barcima aannosi.

SOQQAMAASINETE LOOSO 2:30

Ikkollana Daawiti konne coyi'rinohu, himanaancho ikkinohuraatinna Maganu, ‹Sirchikki giddonni mitto ate darga amadanno gede asseemmo› yiinoha hexxote qaale egennino daafiraati.

IBIRAAWOOTA 6:18

Soorramannokkihanna Maganuno kapha dandaannokkire lamenka hexxosinna xaarosi uyinonke. Kunni lamunku coyi widoonni albankeenni noo hexxo seekkine cu'mi'rate dandiineemmo gede, golo ikkannonkehu widira hinge xoonqoommori ninke lowo jawaante afi'neemmo.

UMI SAAMUEELI 15:29

Ayirradu Israeelete Magani dikaphanno; yiinoreno disoorranno. Yiinore soorrate isi mannu gedeeha di"ikkino» yiisi.