FAARSO 13:3 - Qullaawa Maxaafa

^3-4 Kaaliiqa Magano'ya ballo, diini'ya qeeloommosi yaannoekki gede, la'e dawarie. Ani uweenna hagiidhitannokki gedenna, reyote aamameemmokki gede ille fanie.

FAARSO 13:3 ပူးပေါင်းရင်းမြစ်များ

IZIRA 9:8

«Xa kayinni, Kaaliiqa Maganonke borojjimmatenni fushshite, Qullaawa Basera keerunni hee'neemmo gede, shiima yanna gaacheena oottonke; borojjimmatenni fushshite haaro heeshsho oottonke.

FAARSO 119:153

Ani seerakki dihawoommo; kunnira qarra'ya la'e gatisie.

FAARSO 18:28

Ati caabbicho'ya xawisattoena; ati Kaaliiqi Magani'ya tunsicho'ya haadhe hoolatto.

FAARSO 25:19

Baarigaarra'ya batidhino gara lai; mageeshshi geeshsha gibbannoerono afi.

FAARSO 31:7

Qarra'ya afootto; shetto'yano laoottona, bagamannokkihu baxillikkinni tashshi yaannoe.

FAARSO 5:1

Kaaliiqa ballo, yeemmore macciishshie; uratto'yano lashshi assitooti.

FAARSO 9:13

Kaaliiqa ballo, baarigaarra'ya abbitannoe qarrano la'e mararie; reyote nafarchinni haadhe fushshie.

ERMIYAASI 51:39

Saankaabbe heedheenna, jilaho koyisoommonsa. Dimbita geeshsha hayikkisoommonsa; hakkunni gedensaanni goxxanno; galagalteno dika'anno.

ERMIYAASI 51:57

Ejjeettosi, masaalaanosi, gashshaanosi, olu hajajaanosinna gaaddosi, agge dimbitanno gede asseemmo. Dimbituhu gedensaanni goxxanno; hakkiinnino layinkimeeshsho dika'anno. Ani Moote Olantote Mootichi Kaaliiqi konne coye coyi'roommo.

ERMIYAASI QURTO 5:1

Kaaliiqa! Ninke aana ikkinore qaagi; kune, shollinyenke lai!

LUQAASI 2:32

Isi mannaho halaale leellishanno caabbicho ikkanno. Israeelete mannirano ayirrinyeho» yii.

EFESOONI SOKKA 5:14

Xawaabbu baalanka coye xawise leellishanno. Kunnira: «Ati goxxe noottohu baqqi yii! Reyotennino kai! Kiristoosi xawisannohena» yinoonni.

YOHAANNIS AJUUJA 21:23

Maganu ayirrinyi xawanno daafiranna Ge'rechu caabbicho ikkino daafira, katamaho aganu woy arrishshote xawaabbi dihasiisanno.

UMI SAAMUEELI 14:27

Yoonaataani kayinni annisi manna rumotenni usurinota afinokki daafira, malawu qaso angasi noo daabbinni qase haa're iti. Afooho wodhanni hee'renni jawaate wolqa assi'ri.

UMI SAAMUEELI 14:29

Yoonaataanino daware, «Anni'ya hanni manna mayira qarrisi? Shiima malawo afooho wodhanni hee'renni jawaatummuta diaffini?