FAARSO 128:3 - Qullaawa Maxaafa

³ Minikki giddo ayiddaamakki, laaltanno haqqicho woyinennite gedeeta ikkitanno; oosokki hurbaate doyissite ejersu latinoha labbanno.

FAARSO 128:3 ပူးပေါင်းရင်းမြစ်များ

KALAQAMA 49:22

«Yooseefi, ati woyinete haqqicho hunduruurrooti; buichote mule kaansoonni woyineeti; sinnakki huxxu aana daaddanno.

UMI DUDUWO 8:40

Ulaami ooso egennantino bagadaanootinna digaana bedeeddannoreeti. Insa ilamara mitteenni 150 oosonna oosote ooso noonsa. Kunni aleenni su'mansa kulloonniri baalu Biiniyaami ilamaati.

FAARSO 127:3

Ooso Kaaliiqiwiinni afi'nanni eltooti; halaalaancho maassooti.

FAARSO 127:5

Kunni worbichi gedeeta, haammata ooso afi'rino manchi ba'raa'rinoho; baarigaarisi ledo yoote gudumaalira yekkeeramanno woyite horonta digaramanno.

FAARSO 144:12

Oosonke anje heedhenni, haaru kaashshi gede lophite kaajjito; seenninkeno mootete mine biifisate, xarrate qaccera uurrinsoonnire, suwadda tuuqqa gedeere ikko.

FAARSO 52:8

Ani kayinni Maganu mine latino ejersi gedeeho; hegere hegerera bagamannokkiha Maganu baxille addaxxeemmo.

ERMIYAASI 11:16

Mitte hige, ‹Ki'ne, xuma hunduruurrino ejersaati› yoommo'ne. Xa kayinni muli yanna giddo gugganno giiranni daro'ne giireemmo; sinna'neno hiiqqaqqeemmo.

HIZIQEELI 19:10

Amakki wayi buicho mule kaasantino haqqicho woyinennite gedeete. Ikkanno geeshshi waa afidhino daafira, woyinete haqqicho daronna gumma shembe yitu.

ROOMU SOKKA 11:24

Kalaqamunni dubbu ejersi sinna ikkitinoonniri ki'ne Daga, darga'ne ikkinokkiha gati ejersi darga amaddinanni gede assini'neha ikkiro, gati ejersi sinna ikkitino Ayihude albi darginsara qola lowo geeshsha di"injiitanno?