FAARSO 119:4 - Qullaawa Maxaafa

⁴ Kaaliiqa! Ati seera oottonke; xeinsummokkinni hajajammeemmo gedeno kuloottonke.

FAARSO 119:4 ပူးပေါင်းရင်းမြစ်များ

IZIRA 7:21

«Qoleno gobbate gashshaanora, Efiraaxisi Awuraajji Galchimihura woxe amaddanno gashshaano baala, Gordu Magani seeri rosiisaanchi qeesichu Izira xa'mannonsare baala keeshshiishshukkinni uyitannosi gede ani moote Arxekisiisi hajajoommo.

FULO 7:6

Musenna Aaroonino Kaaliiqi yiinonsare baala wonshitu.

ERMIYAASI 7:23

Kayinnilla, ani Magano'ne ikkeemmo gedenna ki'neno manna'ya ikkitinanni gede ani yoommore macciishshe. Hajajoommo'ne gede ikkitiniro baalunku coyi qinaanno'ne yoommonsa.

HIZIQEELI 20:19

Ani Kaaliiqi Magano'neetina, seera'yanna hajajo'ya agadhe.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

YOHAANNISI 14:15

«Baxxinannieha ikkiro, hajajo'ya agadhitinanni.

YOHAANNISI 14:21

«Hajajo'ya adhannohunna wonshannohu baxannoeho; ane baxannoha Anni'yano baxannosi. Anino baxeemmosi. Isira aneneete'ya leellisheemmosi» yii.

MARRO 11:13

«Techo ani oommo'ne hajajo ammanamatenni agadhitiniro, Magano'ne Kaaliiqa baxxinironna wo'mu wodani'nenninna wo'ma lubbo'nenni soqqantinisiro,

MARRO 11:22

«Magano'ne Kaaliiqa baxxinanni gede, doogosi aana hadhinanni gedenna isi ledo mitto ikkitine heedhinanni gede oommo'neta tenne hajajo baalanta seekkitine agadhe.

MARRO 12:32

«Ani hajajummo'nere baala agadhe; leddinoonte; xeissinoonte.

MARRO 30:16

Techo ani eemmo'neta Magani'ne Kaaliiqi hajajo iso baxatenni, doogosi ha'ratenni seerasi baala, wogasinna wodhosi wonshitiniro, lubbotenni heedhinanni. Batidhinanni; Magani'ne Kaaliiqino martine ragidhinanni baattora maassi'ranno'ne.

MARRO 4:1

Xaano Israeele, lubbotenni heedhinanni gedenna annuwa'ne Magani Kaaliiqi aanno'ne baatto ragidhinanni gede rosiiseemmo'ne woganna seera wonshe.

MARRO 4:9

Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.

MARRO 6:17

Magani'ne Kaaliiqi uyino'ne hajajo, biddishshanna woga seekkitine agadhe.

MARRO 6:3

Kunnira Israeele, macciishshe! Annuwa'ne Magani Kaaliiqi uyino'ne hexxo garinni, malawunna ado lolakkannotera danchanna shaqqado baattora seyanno'ne gedenna lowo geeshsha batidhinanni gede, hajajosi seekkitine agadhe.

IYYAASU 1:7

Atilla waajjitooti! Jawaati! Soqqamaanchi'ya Muse uyinohe seera baala seekkite agadhi. Ha'ratto darga baalaho wo'munku coyi qinaannohe gede, kunni seeriwiinni horonta miliqqi yitooti.

UMI YOHAANNISI 5:3

Magano baxate yaa hajajosi agadhate; hajajosino kaajjado di"ikkitino.