FAARSO 119:1 - Qullaawa Maxaafa

¹ Suwashsho doogo hadhannorinna, Kaaliiqi seeri garinni heedhannori baraadhinoreeti.

FAARSO 119:1 ပူးပေါင်းရင်းမြစ်များ

LAYINKI SAAMUEELI 22:22

Kaaliiqi seerano agadhoommo; bunshe loosate yee Magani'yara badhe diwodhoommo.

IYYOOBI 1:1

Uutsi yinanni gobbara mittu Iyyoobi yinanni manchi no. Iyyoobi bunshetewiinni fafe Magano waajjannohonna sao nookki keeraanchooti.

IYYOOBI 1:8

Kaaliiqino Sheexaaneho, «Halaalinta soqqamaancho'ya Iyyoobi wodana assite laittoni? Isi gede keeraanchunna suwashshu, bushu coyi baalunkuwiinni fafe ane ayirrisanno manchi wolu dinona» yiisi.

FAARSO 101:2

Ati anewa dayittoro, minshe nookki heeshsho hee'reemmo. Mine'ya keeraancho heeshsho hee'reemmo.

FAARSO 101:6

Maganoho ammanantinori ane ledo heedhanno gede, ille'ya insa widira la'anno; anera wodana subbinori soqqantannoe.

FAARSO 112:1

Kaaliiqira galatu iillosi; Kaaliiqa ayirrisannohunna hajajosi wonshatenni hagiidhanno manchi, hiitto ba'raa'rinoho!

FAARSO 128:1

Kaaliiqa ayirrissannorinna hajajosi agadhitannori, ba'raadhinoreeti.

LAWISHSHA 11:20

Kaaliiqi busha hedo noonsare giwanno; halaalaancho doogo hadhannore kayinni baxanno.

LAWISHSHA 13:6

Suwashsho mancho keeraanchimmasi agartannosi; busha kayinni cubbisi hunannosi.

LAWISHSHA 29:18

Ajuuja afi'rinokki manni ragimaleho; Maganu seera agadhannohu kayinni ba'raa'rinoho.

HIZIQEELI 11:20

Hatte yannara Seera'ya wonshitinanni; hajajo'ya baalanta ayirrissinanni. Ki'ne manna'ya ikkitinanni; anino Magano'ne ikkeemmo.

HOOSEI 14:9

Egenno afi'rinohu baalu konne coye buuxo; wodana afi'rinohu baalu konne coye wodancho. Kaaliiqi doogo suwashshote; aanaseenni higge keeraano hadhanno; cubbaataammu kayinni gufidhanno.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

LUQAASI 11:28

Yesuusi qole, «Maassantinori Maganu qaale macciishshite hajajantannoreeti» yii.

YOHAANNISI 1:47

Yesuusi Naatinaeeli isiwa hige daanna afe, «Kuni xagarro afi'rinokkihu halaalaancho Israeelete manchooti» yee coyi'ri.

YOHAANNISI 13:17

Konne coye affinoonni; affinoonniha assitiniro maassantinanni.

SOQQAMAASINETE LOOSO 24:16

Kunnira mannunna Maganu albaanni wo'manka woyite dancha hedo heedhannoe gede jaateemmo.

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

YAIQOOBI 1:25

Ikkollana wolassannoha guuta seera buuxe afe isinni kaajje hee'rannohu, macciishshe hawannoha ikkikkinni, loosu aana hosiisanno manchi loosisinni maassaminoho.

YOHAANNIS AJUUJA 22:14

Heeshshote haqqicho laalo itatenna waalchuwate widoonni hige katama ea dandiitanno gede, uddanonsa hayishshidhannori ba'raadhinoreeti.