FAARSO 118:27 - Qullaawa Maxaafa

²⁷ Kaaliiqi Maganoho; ninkera caabbicho ikkinonke; anga darcho amaddine ayyaana ayirrisse; kakkalote darga gaangaabbe.

FAARSO 118:27 ပူးပေါင်းရင်းမြစ်များ

UMI MOOTOOLLA 18:21

Eeliyaasino mannaho, «Lamu wodaninni dintinanni heedhinannihu mamooti geeshshaati? Kaaliiqi Maganohoro iso magansidhe! Woy Ba"aali Maganohoro Ba"aali magansidhe!» yiinsa. Mannu kayinni mitto qaaleno didawarino.

UMI MOOTOOLLA 18:39

Mannuno konne coye lae baattote aana gombisame, «Kaaliiqi Maganoho! Halaalaanchu Magani iso callaati!» yii.

UMI DUDUWO 29:21

Layinki soodo lowo saada gorrite Kaaliiqira kakkalo shiqishshu. Hakkunni gedensaanni mannu itanno gede uyitu. Qolteno 1,000 bootta, 1,000 ge'reewu goccanna 1,000 ge'reewu wilii'le gorrite gudinse shilqinshanni kakkalo assite shiqishshu; woyinete xajjeno fushshaate assite shiqishshu.

ASTEERI 8:16

Tini Ayihudete hagiirru, hisanyootu, harshammotenna ayirrinyu yannaati.

FAARSO 18:28

Ati caabbicho'ya xawisattoena; ati Kaaliiqi Magani'ya tunsicho'ya haadhe hoolatto.

FAARSO 37:6

Keeraanchimmakki xawaabbu gede, halaalekkino barri arrishsho gede xawisanno.

FULO 27:2

Shoolente maddera umoho buudda wori; buuddano kakkallanni dargi ledo mitteenni seekkite aanaho camo xalli.

FULO 38:2

Shoolente maddera buudda wori; buuddano mitteenni seekke, aanaho camo xalli.

ISAYAASI 60:1

Yerusaalame! Caabbichikki dayinona ka'e xawisi'ri; Kaaliiqi ayirrinyino aanakki xawanno.

ISAYAASI 9:2

Tunsote hee'ranno manni lowo xawaabba lai; reyote caali gobbara heedhannorira, caabbichu fuli.

MIKIYAASI 7:9

Maganu aana sao assoommo daafira, hanqosi cinca hasiissannoe. Goofimarchoho kayinni, Maganu anera coyi'rannoe. Ane aana iillitino gawajjora yoo yaannoe. Xawaabbu widirano fushshannoe. Gatisaanchimmasino laeemmo.

MILKIYAASI 4:2

Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni.

YOHAANNISI 8:12

Qoleno Yesuusi, «Ani baattote aana noo mannira xawaabbaho; ane hoode ha'rannohu heeshshote xawaabba afi'ranno ikkinnina tunsichoho diha'ramanno» yii.

IBIRAAWOOTA 13:15

Kunnira, Yesuusi Kiristoosi widoonni qolle wo'ma woyite galatu kakkalo Maganoho shiqinsho. Tini kakkalo suumenkenni, «Isi Mootichankeeti» yine uyineemmote.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.