FAARSO 116:5 - Qullaawa Maxaafa

⁵ Kaaliiqi mararannohonna shaqqadoho; Maganinke shooshaqaho.

FAARSO 116:5 ပူးပေါင်းရင်းမြစ်များ

IZIRA 9:15

Israeelete Magano Kaaliiqa ballo, ati halaalaancho yoo yaattoho; ikkollana kune techo geeshsha lubbotenni woroottonke. Saotenni hee'ne albakkiinni uurra didandiinanni; ninke kayinni kunni garinni hee'ne albikkira shinqoommo» yoommo.

NEHIMIYA 9:17

Hajajantannokkire ikkitino; assoottonsa dhagge baala habbino. Boo'nansanni kainohunni qoxxisante, giddonsanni albisa doodhite, galagalche Gibitsete borojjimmara haa're ha'rannonsa gede assitino. Ati kayinni baxillu wo'minoheha, hanqate muddamattokkiha, mararattohanna maarattoha, maarokkino batidhino Magano ikkootto daafira, daguroottonsa.

NEHIMIYA 9:31

Qolteno ati mararattohanna maaratto Magano ikkoottohura, agurattonsaranna hunattonsara dihasi'rootto.

NEHIMIYA 9:33

Ninke qorichishate assoottori baalu garaho; ninke sao assinummorono, ati ammanamakki dixeisootto.

NEHIMIYA 9:8

Isino atera ammanaminoha ikkinota afootto; isi ledo gondooro eootto; Kana"aanootu, Hitootu, Amooraawootu, Ferizootu, Iyaabuusootunna Gergesootu heedhannota, Kana"aanootu baatto sirchisira iqqa assite aate xaaritto; ati ammanamoottoha ikkoottohura eootto gondooro seekkite agarootto.

FAARSO 103:8

Kaaliiqi maarannohonna cubbo agurannoho. hanqoho dimuddamannoho; bagamannokkihu baxillisino bati'raho.

FAARSO 112:4

Maaro, shaqqillenna sumbe afidhinorira danchuullu mannira, tunsichu giddo xawaabbu fulannonsa.

FAARSO 115:1

Ayirrinyu ninkera ikkikkinni Kaaliiqa, ninkera ikkikkinni, bagamannokkihu baxillikkiranna, halaalaanchimmakki daafira ayirrinyu atera ikko.

FAARSO 119:137

Kaaliiqa'ya, ati halaalaanchoho; yookkino taalote.

FAARSO 145:17

Kaaliiqi assanno coyi baalunku halaalaanchoho; baalanka coye shaqqillunni assanno.

FAARSO 86:15

Mooticha'ya, ati maarattohanna mararattoho; hanqate muddamattokkiho; bagamannokkihu baxillikkinna halaalikki bati'raho.

FAARSO 86:5

Ati shaqqadohonna cubbono agurattohona, woshshidhannoherira baalaho bagamannokkiha baxillekki leellishattonsa.

ISAYAASI 45:21

Daggine coye'ne yoote darga hasaaphe; hanni coye affinori amaalantona. Alba balaxe coyi'roommohu, Ani Kaaliiqaati. Ane agurranna keeraanchunna gatisaanchu Magani wolu dino.

ERMIYAASI 12:1

Kaaliiqa'ya, abbooshshi'reemmohe kiirolla, ati keeraanchoho. Xa kayinni taashshate daafira xa'mi'reemmohe; bushu mannira mayira qinaannonsa? Hexxinannikki mannira mayira injaannonsa?

DAANIEELI 9:14

Kaaliiqa Maganonke! Ati loosattori baalu garaho; ninke kayinni hajajama gimboommohe daafira konne baala qarra abboottonke.

DAANIEELI 9:7

Mooticha'ya! Ati wo'manka woyite suwashsho coye assatto; ninke kayinni techo geeshsha uminke aana shollinye abbi'noommo; Yihudahonna Yerusaalamete heedhannori, mulenna xeertote noo gobba baalate billaallitanno gede assootto Israeelooti baalu aana daanno coyi konneeti. Kaimuno atera ammanama hoongoommo daafiraati.

DAANIEELI 9:9

Mooticha Maganonke! Aye geeshshano gara gimbummohero, ati maarattohonna saonkeno agurattoho.

EFESOONI SOKKA 2:4

Ikkollana maarote dureessa ikkinohu Maganu lowo geeshsha baxannonke daafira,

UMI XIMOOTEWOOSI 1:14

Kiristoosi Yesuusinni afi'noommo ammananna baxilli aana, Mootichinke elto hala'lite aamantinoe.

UMI YOHAANNISI 1:9

Cubbonke Maganoho ku'linummoro, isi ammanaminohanna keeraancho ikkinohura, cubbonke baala agurannonke; saonke baalatennino keereensannonke.