FAARSO 115:14 - Qullaawa Maxaafa

¹⁴ Kaaliiqi ki'nenna ooso'ne, batidhinanni gede asso'ne.

FAARSO 115:14 ပူးပေါင်းရင်းမြစ်များ

KALAQAMA 13:16

Sirchokki baattote shaafi gede asse batiseemmo; baattote shaafa kiira dandaannohu hee'riro, ate sirchono kiira dandiinanni.

KALAQAMA 17:7

«Atenna ane mereero, ate gedensaannino sirchikki ledo gondoori'ya soorramannokki gede asseemmo; ateranna ate gedensaanni sirchikkira Magano ikkeemmo.

LAYINKI SAAMUEELI 24:3

Iyoaabi kayinni, «Moote'ya, Maganikki Kaaliiqi Israeelete olanto kunninni xibbe ero assanna la"atto gede dirokki seedisohe. Ikkollana moote'ya ballo, konne coye mayira heditto?» yii.

ISAYAASI 27:6

Dagganno yannara Yaiqoobi sirchi Israeele, woyinete haqqicho gede rumushsho assidhanno; daraarte laaltanno; laaloseno baatto wo'mitanno.

ISAYAASI 56:8

Billaallitino Israeele gamba assannohu Mootichu Kaaliiqi, «Insa aanano woloota lede gamba asseemmo» yii.

ERMIYAASI 30:19

Hakko hee'ranno manni galatu faarso faarsanno; hagiirrunni ilillisanno; kiironsa batidhannota ikkinnina dixe'anno; ayirradda asseemmonsa; ajishe la"annonsahuno dihee'ranno.

ERMIYAASI 33:22

Soqqamaanchi'ya Daawiti sirchonna Leewi sircho ikkitino qeesoota batiseemmo; batinyinsano gordu beeddahenna baaru shaafi gede kiirre anfannikkiha ikkanno» yiie.

HOOSEI 1:10

Israeelete manni batinyi kiirrara woy bikkinara dandiinannikkihu baaru shaafi geeshshiha ikkanno. Kaaliiqi, «Manna'ya di"ikkitinoonni» yiinsarono, hakko heedheennanni, «Heeshshote Magani ooso» yinanninsa yanna dagganno.

ZAKKAARIYAASI 10:8

Manna'ya fiiqattotenni woshshe gamba asseemmo; gatise fushshe, kiironsa albinte gede batiseemmo.

SOQQAMAASINETE LOOSO 2:39

Hexxote qaali ki'neranna ooso'nera, Mootichu Maganinke isiwa woshshannonsarira xeertote noori baalahooti» yii.

SOQQAMAASINETE LOOSO 3:25

Ki'ne himanaanote ragi'raasineeti. Maganu Abirihaamira, ‹Baattote aana noo manni baalu sirchikkinni maassamanno› yee annuwankera eino gondoorono ragidhinanni.

MARRO 1:11

Xaano Kaaliiqi annuwa'ne Magani kume hige batiso'ne. Uyino hexxo garinni maassi'ro'ne!

YOHAANNIS AJUUJA 7:4

Hakkunni gedensaanni, sumundoonni manni kiiro macciishshummo; Israeelete ga're baalante giddonni sumundoonni manni kiiro mitto xibbeetinna shoyilliina shoole kumeeti.

YOHAANNIS AJUUJA 7:9

Hakkunni gedensaanni kuneeti ayino kiire dandaannokkiha lowo manna afummo. Kuni manni gosa baalatenni, ga're baalatenni, fiixu fiixunkunninna addi addi afoo coyi'ranno manni giddonni gamba yiinoho. Insa waajjo uddano uddidhe, saattu daro anga amadde ayirradu barcimiranna Ge'rechu albaanni uurrite,