FAARSO 113:7 - Qullaawa Maxaafa

⁷ Buxane bukote aaninni kayisanno; qarraataammano buluulu aaninni gotti assanno.

FAARSO 113:7 ပူးပေါင်းရင်းမြစ်များ

UMI MOOTOOLLA 16:2

«Bukote aaninni kayise manni'yara Israeelete moote assoommohe. Ati kayinni Iyorbiaami gede cubbo loosse, manna'yano cubbu giddora eessootto. Cubbinsano ane hanqisinoe.

IYYOOBI 2:8

Iyyoobino biso duuqqara bacce adhe, buluulu aana ofolli.

IYYOOBI 5:11

Heeshshi yitinore gotti assanno; wi'litannore hagiirsiisanno.

FAARSO 107:41

Qarraataamma shettote giddonni fushshannonsa; oosonsa kiiro ge'reewu hoshsha gede asse batisanno.

FAARSO 22:15

Kokke qa'a yite mooltue; arrawi'ya ga'roho qa'mie. Shinoonnihu gede uulla tugge agurittoe.

ISAYAASI 26:19

Mannikki reyinohu kae heeshshonniha ikkanno; reeshshinsano ka"anno. Ki'ne bushshu giddo heedhinanniri, ka'ine hagiirru faarso faarse! Soodo loju baatto qufisannohu gede, Kaaliiqino reyite keeshshitinore kayise, lubbotenni heedhanno gede assanno.

HIZIQEELI 17:24

Baattote aana noo haqqe baala, ani Kaaliiqa ikkoommota affanno. Ani seeddaanna haqqe murmure, harammaadda haqqe ale higge lophitanno gede asseemmo. Ani lattino haqqe mooshsheemmo; mooltino haqqeno latiseemmo. Ani Kaaliiqi konne coye coyi'roommo; asseemmo yoommoreno wonsheemmo» yii.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

UMI SAAMUEELI 24:14

«Hanni lai, ati Israeelete moote ayira gaaddanni nootto? Aye shorritanni nootto? Ani reyino woshichinna korchote gedeeho.