FAARSO 113:5 - Qullaawa Maxaafa

⁵ Maganinke Kaaliiqi gedeehu mittuno dino. Isi wo'munkura aleenni hige hee'ranno.

FAARSO 113:5 ပူးပေါင်းရင်းမြစ်များ

FAARSO 103:19

Kaaliiqihu ayirradu barcimi gordoho no; isi wo'munkura aliidi gashshaanchooti.

FAARSO 11:4

Kaaliiqi Qullaawu Minisi giddo no; Kaaliiqi ayirradu barcimisira gordoho no; illesi manna baala la'anno; assinannire baala afanno.

FAARSO 35:10

Wo'mu wodani'yanni, Kaaliiqa, «Ate gedeehu ayi no? Ati, gadadaamo wolqaataamu anganni, buxicho gawajjannohu anganni gatisatto» yeemmo.

FAARSO 89:6

Kaaliiqi ledo taalamannohu gordoho nooni? Gordoho noo kalaqami giddo Kaaliiqa lawannohu ayeti?

FAARSO 89:7

Keeraanote songo mereero Kaaliiqi ayirradoho; qooxeessaho noorira baalaho jawahonna waajjishannoho.

FAARSO 89:8

Olantote Magano Kaaliiqa! Ate gedee wolqaataami mama no? Wo'munku coyira ati ammanamoottoho.

FAARSO 89:9

Atera baaru wolqa hajajantannohe; kaino dambalano uurrisatto.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

ISAYAASI 16:5

Hatte yannara mittu gashshooti hegere baxillinni uurranno. Daawiti sirchinni mittu ammanaminohu moohanno. Isi rahe halaale hasannohonna taashshe gashshanno mooteeti.)

ISAYAASI 40:18

Magano aye ledo taashshitinanni? Isi ma lawanno yitine heddinanni?

ISAYAASI 40:25

Qullaawu, «Xa ane aye ledo taashshitinannie? Ane lawannohuno ayeti?» yaanno.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

ERMIYAASI 10:6

Kaaliiqa'ya, ate gedeehu dino; ati wolqaataamoho; su'mikkino jawahonna waajjinanniho.

MARRO 33:26

Muse lede Israeele baalantera, Ayirrinye haraqi're gordo tayise sae, gomicho dare kaa'lara daannohu, Israeelete Magani gedeehu dino.