FAARSO 113:4 - Qullaawa Maxaafa

⁴ Kaaliiqi gashshootu baalu gashshaanchooti; ayirrinyisino gordoho aleenniiti.

FAARSO 113:4 ပူးပေါင်းရင်းမြစ်များ

UMI MOOTOOLLA 8:27

«Magano Kaaliiqa, halaalinta ati uullate aana hee'rattoni? Gordoho aleenni noo gordi haa'rannohekkiha, kuni baattote aana noohu ani minoommo mini maminni ikkannohe?

FAARSO 148:13

Su'misi wole su'muwanni rooranno; ayirrinyisino baattotenna gordoho aleenniiti. Kunnira, wo'munku Kaaliiqi su'ma galato.

FAARSO 8:1

Kaaliiqa Mootichanke, su'mikki baatto baalate aana hiittoo ayirradooti! Galatikkino baattotenni kae gordu geeshsha duduwamanno.

FAARSO 97:9

Ati Kaaliiqi baatto baalate aana wo'munkura aliidiho; maganna baalantenni umiidiho.

FAARSO 99:2

Kaaliiqi Tsiyooni jawaho; daga baalate gashshaannaati.

ISAYAASI 40:15

Daga Kaaliiqi albaanni gambayichu giddo cophi yiino wayi geeshshireeti; keenaasinchu aana noo buko geeshshireeti; giddichuwano albasiinni cu'minoonni buluuli geeshshite.

ISAYAASI 40:17

Daga baala Kaaliiqi albaanni mullareeti; mite yine nafa dikiirrannireeti.

ISAYAASI 40:22

Kaaliiqi baattote iimaanni ayirrinyu barcimira ofolle noota, gordo dukkote gede bedeedinota, dukkanu gede diriirsinota, baattote aana noo manni cuuncichu geeshshiha ikkinota diaffinoonni?

ISAYAASI 66:1

Kaaliiqi, «Gordu ayirrinyu barcima'yaati; baattono lekka'yanni kaxxeemmowaati. Anera mintinannie mini hiittoohoyya? Fooliishshi'reemmo dargino hiittooho?