FAARSO 113:3 - Qullaawa Maxaafa

³ Kaaliiqi su'mi gobbate qaccenni qaccete geeshsha galataminoha ikko.

FAARSO 113:3 ပူးပေါင်းရင်းမြစ်များ

FAARSO 18:3

Galatu hasiisannosiha Kaaliiqa woshshi'reemmo; isino baarigaarra'yawiinni gatisannoe.

FAARSO 48:10

Magano! Su'mikki gobba baalate egennaminonte gede, galatikkino gobba baala iillanno; angakkirano halaalu wo'mino.

FAARSO 50:1

Magannate Magani Kaaliiqi coyi'ranno; soojjaatinni galchimira baattote aaninni manna baala woshshanno.

FAARSO 72:11

Mootoolla baala kumbuultosi; daga baalanti gashshantosi.

FAARSO 86:9

Mooticha, kalaqoottonsa daga baala, dagge albakkiinni kumbuultanno; su'makkino ayirrissanno.

ISAYAASI 24:16

Kalqe baalatenni, «Keeraanchoho ayirrinyu ikkosi» yinanni faarso macciishshinanni. Ani kayinni lowo geeshsha jaawoommo daafira, anera bayisibao! Hexxinannihu dihee'ranno; baalunku mimmitoho badhe wodhannoha ikkanno.

ISAYAASI 49:13

Kaaliiqi mannasi diggi assanno daafiranna, shettinoreno mararanno daafira, gorduwa, faarse! Baatto, tashshi yoohe! Ilaalla, ilillisse!

ISAYAASI 59:19

Bubbimma jiganno lolahi gede ikke daanno daafira, galchiminna soojjaati gosa, Kaaliiqanna ayirrado wolqasi waajjitanno.

IMBAAQOOMI 2:14

Wayi baaraho wo'minohu gede, Kaaliiqi ayirrinye afano baatto wo'mitanno.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.