FAARSO 112:3 - Qullaawa Maxaafa

³ Maatesino dureeyye ikkitanno; keeraanchimmasino geedonnita ikkitanno.

FAARSO 112:3 ပူးပေါင်းရင်းမြစ်များ

IYYOOBI 5:24

Minikki giddo keerunni hee'ratto; saadakki towaxxatto yannara, keere noota afi'ratto.

FAARSO 111:10

Kaaliiqa waajja egennote umoho; hajajantannosirira baalaho wodancha aannonsa. Kaaliiqira hegere galati iillosi.

FAARSO 111:3

Kaaliiqi loosi ayirrinyunna gaamaarre wo'mitinoho; keeraanchimmasino hegerete.

FAARSO 112:9

Buxanete calla aanno; shaqqillisirano dannu dino; wolqanna ayirrinye haraqi'ranno.

FAARSO 34:10

Doobbiyu nafa sagale hooge hudi'rara dandaannona, Kaaliiqa hasidhannori kayinni danchare dihoogganno.

FAARSO 34:11

Ooso'ya amme macciishshe"e! Kaaliiqa waajja rosiiseemmo'nena.

LAWISHSHA 15:6

Keeraanchu manchi mine jiro wo'mitanno; bushu manchi jiro kayinni qarra abbitanno.

LAWISHSHA 21:20

Egennaamu manchi mine jironna danchu uduunni hee'ranno; gowwu kayinni nooha baala billaallise gudanno.

LAWISHSHA 3:16

Egenno diro seedissanno; jironna ayirrinyeno leddanno.

ISAYAASI 32:17

Keeraanchimmate loosi keere abbanno; keeraanchimmate gumino, hegerera hawaqi'ne hee'nanni gede assanno.

ISAYAASI 33:6

Techo geeshsha hee'rankera kaiminke isooti; mannaho gato, hayyonna egenno aanno; Kaaliiqa waajja ninkera lowo jirooti.

ISAYAASI 51:8

Insa bile ittino uddano gede ikkite gooffanno; halaalaanchimma'ya kayinni hegerete; gatisaanchimma'yano ilamate ilamara sa'annote» yii.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

LAYINKI QORONTOOSI 6:10

Dadillu amadinkerono, wo'manka woyite hagiirraammaho. Buxane ikkine hee'nenni, lowo manna duroonsineemmo. Noonkerino hoogiro, baalunkuri ninkeho.