FAARSO 111:2 - Qullaawa Maxaafa

² Kaaliiqi loosi dhaggenniho; assino dhaggenni hagiidhitannori baalu, ledde affara hasidhanno.

FAARSO 111:2 ပူးပေါင်းရင်းမြစ်များ

IYYOOBI 37:14

«Iyyoobi, hanni suutunni ikkite wodanchi; Maganu loosannoha maalalete looso wodana assite hedi.

IYYOOBI 37:7

Mannu baalu looso uurrisanno; isi assate dandaannore baala leellishannonsa.

IYYOOBI 5:9

Isi hende anfannikkiha jawa coyenna, kiirre dandiinannikki maalale assanno.

IYYOOBI 9:10

Hendara dandiinannikkiha lowo coye assanno; kiirre fullannikki maalale loosanno.

FAARSO 104:24

Kaaliiqa, ati lowore kalaqootto; baalanka ogimmakkinni seekkootto; baattote ati kalaqoottori wo'mino.

FAARSO 104:34

Hagiirre isiwiinni afi'reemmo daafira, shiqishi'reemmosi faarsonni tashshi yoosi.

FAARSO 107:43

Egennaammu baalu konne coye huwatto; bagamannokkiha Kaaliiqi baxille wodanchito.

FAARSO 118:15

Kaaliiqi manni dukkani giddo, «Kaaliiqiti jawaata anga lowo coye assitino! Jawaata angasi jawa coye assitino!» yinanni ilillinsanni ililleettenna qeexaala macciishshinanni.

FAARSO 139:14

Dhaggennihanna maalalenniha assite kalaqoottoena, galaxxeemmohe; loosikki baalu dhaggenniho; anino seekke egennoommo.

FAARSO 143:5

Sa'u barruwa qaageemmo; ati assootto coyi baalu qulli yaannoe; assoottore baala marro hige hedeemmo.

LAWISHSHA 17:16

Egenno afi'ra'ra hasi'rannokki daafira, gowwaho angasi noo woxi ma kaa'lannosi?

LAWISHSHA 24:14

Egennono lubbokkira hattootena afi; ise afi'rittoro geedo biiffannohe; hexxokkino diba'anno.

ROSIISAANCHO 3:11

Maganu wo'mankare yannasinni biifise loosino. Mannu wodanira hegerimmate hedo worino. Ikkollana Maganu kaimunni gawalote geeshsha loosannore afate mannaho egenno diuyino.

ISAYAASI 40:12

Wayibba hoowisinni, gordo taakkosinni bikkinohu, baattote bushsha saffunni safarinohu ayeti? Ilaallanna gaarra, keenaasinchunni keeninohu ayeti?

DAANIEELI 4:3

Maganu leellishanno maalale, mageeshshi geeshsha jawate! Isi loosanno loosi mageeshshi geeshsha jawaataho! Maganu hegere hegerera mootete! Gashshootisirano gawalo dino.

ROOMU SOKKA 1:28

Mannu Magano afate hasi'rinokki daafira, saalsiisanno coye assanno gede, tidhitinokki hedo giddo facci asse agurinsa.

ROOMU SOKKA 8:6

Maalu hedonni amadama reyo abbitanno; Ayyaanu hedonni amadama kayinni heeshshonna keere uyitanno.

EFESOONI SOKKA 1:19

Ninke ammannoommori giddo noo wolqa dannu nookkita bati'ra ikkitinota affinanni gede huucci'reemmo. Tini ninke giddo loossanno wolqa,

YOHAANNIS AJUUJA 15:3

Insa Maganu soqqamaanchita Muse faarsonna Ge'rechu faarso: «Wo'manka Dandaattohu, Mooticha Magano! Loosikki dhaggetenna maalalete! Gosa baalate moote, dooggakki taalotenna halaaleho!