FAARSO 110:6 - Qullaawa Maxaafa

⁶ Gosate aana yoo yaanno; olu xawono reeshsha calla assanno; baattote aana noo mootoolla baala gudanno.

FAARSO 110:6 ပူးပေါင်းရင်းမြစ်များ

KALAQAMA 3:15

atenna manchote mereero, sirchikkinna sirchise mereero diinoomu hee'ranno gede asseemmo; isi umokki cancananno; atino gindesi qasatto» yii.

FAARSO 68:21

Addinta Maganu baarigaarrasi umo cancananno; bunshete doogo agurtannokkiri sammo dhodhoosanno.

FAARSO 68:22

Mootichu, «Baarigaarrakki Baasaaninni abbeemmo; baaru diime giddonnino haa're fushsheemmo.

ISAYAASI 11:3

Kaaliiqira hajajamano hagiirsiissannosi; illesinni lai garinni calla yoo diyaanno; maccasinni macciishshi garinni calla dicoy'ranno.

ISAYAASI 2:4

Isi lowo gosara gibbo hoolanno; kunnira bisensa maarashaho, urdensa haantote soorritanno. Gashshootu gashshootu aana ola dikayisanno; hakkunni gedensaanni olaho qixxaawannohu dihee'ranno.

ISAYAASI 42:1

Kaaliiqi, «Irkise amadoommohu, doodhoommohunna baxeemmohu soqqamaanchi'ya konneeti. Ayyaana'ya isi aana woreemmo; isi daga baala taashshe gashshanno.

ISAYAASI 42:4

Baattote aana taashshe gashsha, darga amadda geeshsha, dicee'manno; hexxono dimudhanno; xeertote noo daga isi kulannore macciishshite quqquxantanno» yaanno.

ISAYAASI 51:5

Rahe daye gatiseemmo'ne; ani qeeleemmo barri iillino; wolqa'yanni daga baala gashsheemmo. Giddichuwate heedhanno gosa, gatisammonsara ane agadhitanno; wolqa'yano hexxitanno.

ISAYAASI 66:24

Fulte hadhanno woyite anera hajajama gibbe reyitinori reeshsha la'anno. Hakkore ittanno da'muulla direyitanno; ittannonsa giirano dixo'anno; laihu baalu shagaggi'rannonsa» yii.

HIZIQEELI 39:4

Googinna olantosi, hattono ledosi fultinori garosi baala reyite Israeelete ilaallara ubbanno. Reeshshansano allaattetenna dubbu moyichira sagale asseemmo.

MIKIYAASI 4:3

Isi lowo daga mereero yoo yaanno. Mulenna xeertote noo gashshaasine jajjabbunnite mereero nooha, babbadooshshe hoolanno. Kunnira, bisensa heellakkote, urdensa haantote soorritanno. Gashshootu gashshootu aana ola dikayisanno. Kunni ka'a olu roso rosannohu dihee'ranno.

IMBAAQOOMI 3:13

Mannakki gatisattoranna doorootto moote wodattora fulootto. Cubbaataammu sooreessa cancanootto; umunni lekkate geeshsha mulqootto.

YOHAANNISI 5:22

Annu aye aanano yoo diyaanno; ikkollana yoote roorre gudise Beettoho uyino.

YOHAANNIS AJUUJA 14:20

Woyinete laalono katamaho gobbaanni noo kooffichira huuncini; huuncinanni dargi giddo, farashsho egemmitanno geeshshiti, seendille 300,000 qaafo ikkitanno mundee lolakku.

YOHAANNIS AJUUJA 19:11

Hakkunni gedensaanni gordu fa'name hee'reenna, waajjo farashsho afummo. Gulufe nooha, «Ammanaminohonna Halaalaanchoho» yinanni. Isi taalo yoo yaanno; taalotenni olamanno.

UMI SAAMUEELI 2:10

Kaaliiqa gibbannori cancanantanno; isi gordoho hee're insara beleqanno; Kaaliiqi baatto baalate yoo yaanno; isi moohisinosihura wolqa aanno; buuramino mootera gaacheena aanno» yitu.