FAARSO 110:3 - Qullaawa Maxaafa

³ Olaho fulatto barra olantokki baxxe ledokki fultanno; ilamitto waro qullaawa ikkakki xabbanni no; ilamitto yannanni kayisse ati soodo loji gedeeho.

FAARSO 110:3 ပူးပေါင်းရင်းမြစ်များ

UMI DUDUWO 16:29

Kaaliiqiha ayirrado su'ma galatte; fushshaate haadhine abbe; ki'neno isiwa amme. Qullaawu Magani leellanno woyite magansidhesi.

NEHIMIYA 11:2

Mannuno Yerusaalamete hee'rate sumuu yitinore baala maassi'rinsa.

FAARSO 29:2

Kaaliiqira su'misi ayirrinye abbe; Ayirrado Qullaawa dargasi Kaaliiqira kumbuulle.

FAARSO 96:9

Qullaawu Magani leellanno woyite magansidhesi; baattote aana heedhanno gosa baala albasiinni qece yite huxidho.

HIZIQEELI 43:12

Qullaawu Mini noo dargi qullaawu ilaali'ya qoromboonniha ikka hasiissannosi. Kuni Qullaawu Minira lowo geeshsha hasiisanno seeraati» yee coyi'rie.

MIKIYAASI 5:6

Olantonsa wolqanni Asoori manna qeelte amaddanno. Namiruudi gashshoote ikkitino gobba cufanna hiiqqaqqite e'anno. Asoori manni gobbanke horritannonna maassantinota gobbanke kaddanno woyite, isi angansanni gatisannonke.

SOQQAMAASINETE LOOSO 1:8

Ikkollana Qullaawu Ayyaani ki'ne aana dirranno yannara wolqa adhitinanni. Hakka woyite Yerusaalamete, Yihuda baalaho, Samaariyahonna gobbate qacce geeshsha naqaashshe'ya ikkitinanni» yiinsa.

SOQQAMAASINETE LOOSO 19:20

Kunni garinni Mootichu qaali hala'lanninna qeelanni ha'ri.

SOQQAMAASINETE LOOSO 2:33

Maganu qiniiteenni ofollara gordo ha'ri woyitenna Qullaawu Ayyaani hexxo Annuwiinni adhi yannara konne la'inannihanna macciishshitinanniha ninke aana dunino.

SOQQAMAASINETE LOOSO 2:41

Insa giddonni lowo manni qaale macciishshe cuuami. Hakko barra sase kume ikkanno manni ammane lexxi.

SOQQAMAASINETE LOOSO 21:20

Insano konne coye macciishshite Magano galattu. Phaawuloosino, «Rodoonke, meu kuminni kiirranniti ammantino Ayihude Muse Seerira laalaattanni no.

SOQQAMAASINETE LOOSO 4:4

Qaale macciishshitinori giddonni kayinni lowo manni ammani. Ammantinori kiirono onte kumeeti.

LAYINKI QORONTOOSI 13:4

Isi masiqalu aana sutame wolqiweelu gede ikke reyinoha ikkirono, xa Maganu wolqanni lubbotenni no. Ninkeno isi ledo wolqiweeloota ikkinoommo. Ki'ne ledo noonke xaadooshshinni kayinni isi ledo Maganu wolqanni hee'neemmo.

LAYINKI QORONTOOSI 8:12

Aate halchiniro, nookkihu aaninni ikkikkinni afi'noonnihu bikkinni aa danchate.

LAYINKI QORONTOOSI 8:16

Ani ki'ne daafira diinaggaawummonte gede, Tiito wodanirano hatte hedo worino Maganira galatu iillosi.

EFESOONI SOKKA 1:4

Albasiinni qullaawootanna arrasso nookkire ikkine hee'neemmo gede, kalqe kalaqantukkinni Kiristoosinni doorinonke. Baxillisinni kainohunni,

FILIPHISIYUSI SOKKA 2:13

Hatto assitinannihu, dancha hedosi daafira, heddinannireno ikko assitinannire ki'ne giddo loosannohu Magano ikkinohuraati.

UMI TESELONQE 4:7

Maganu battaambammora ikkikkinni qullaawoota ikkine hee'nammora woshshinonke.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 13:21

Hedinore wonshate guuta manna ikkitinanni gede, Keeru Magani dancha coye baala qodhisiiso'ne. Hagiirsiisannosire Yesuusi Kiristoosinni ninke widoonni qole asso. Yesuusi Kiristoosira hegere geeshsha ayirrinyu iillosi! Hamii'ni!

YOHAANNIS AJUUJA 7:9

Hakkunni gedensaanni kuneeti ayino kiire dandaannokkiha lowo manna afummo. Kuni manni gosa baalatenni, ga're baalatenni, fiixu fiixunkunninna addi addi afoo coyi'ranno manni giddonni gamba yiinoho. Insa waajjo uddano uddidhe, saattu daro anga amadde ayirradu barcimiranna Ge'rechu albaanni uurrite,

EJJEETTO 5:2

Israeelete noo ejjeetto albissanna, mannuno baxe umisinni ka"anna, Kaaliiqi galatamo.

EJJEETTO 5:9

Ane wodani Israeelete ejjeetto ledonna, umisinni kakkaino manni ledo no; Kaaliiqira galatu iillo!