FAARSO 110:1 - Qullaawa Maxaafa

¹ Kaaliiqi Mootichi'yara, «Baarigaarrakki lekkakkira woroonni qolammo geeshsha, qiniite'yaanni ofolli» yiisi.

FAARSO 110:1 ပူးပေါင်းရင်းမြစ်များ

UMI DUDUWO 28:2

Baalunku gamba yituhu gedensaanni Daawiti kae uurre, «Manna'ya hanni macciishshe! Maganinke Kaaliiqi lekkasinni kaxxannohanna hegerera Gondooru Taabooti hee'ranno mine minate qixxaawoommo.

FAARSO 109:20

Kaaliiqa'ya ballo, ane aana bunshe coyidhannore, baarigaarra'ya kunni garinni qorichishi.

FAARSO 8:1

Kaaliiqa Mootichanke, su'mikki baatto baalate aana hiittoo ayirradooti! Galatikkino baattotenni kae gordu geeshsha duduwamanno.

FAARSO 8:6

Angakki loosi baalu aana moohisoottosi; baalankare lekkasira woroonni gashshiishitto.

ZAKKAARIYAASI 6:13

Qullaawa Mine'ya minannohunna mootimmate hasiisanno ayirrinye adhe, manna'ya gashshannohu isooti; mittu qeesichi isi barcimi mule uurranno; lamunku mitteenni sumuu yite keerunni loossanno.›

MAATEWOOSI 26:64

Yesuusino, «Ati yiitto gedeeti. Ikkollana kunni ka'a Manchi Beetti Wo'manka Dandaanno Maganira qiniiteenni ofollinoha affinanni; hattono gordu gomichinni dukkisame daanna la'inanni» yiinsa.

MAARQOOSI 16:19

Mootichu Yesuusi konne baala kulinsahu gedensaanni, gordo ha're Maganoho qiniiteenni ofolli.

LUQAASI 22:41

Hakkunni gedensaanni kincho olleenna iillanno geeshshiwa insawiinni fafe ha're guluphe,

UMI QORONTOOSI 15:25

Maganu baarigaarrasi baala angasira qola geeshsha, Kiristoosi mooha hasiissanno.

QOLASIYAASI SOKKA 3:1

Xa Kiristoosi ledo reyotenni ka'inoonniha ikki geeshsha, Kiristoosi Maganu qiniiteenni ofolle noowa iima gordoho nooriwa wodana'ne hakko gashshe.

IBIRAAWOOTA 1:13

Maganu mitto sokkaasinchono, «Baarigaarrakki lekkakkira woroonni qolammo geeshsha, qiniite'yaanni ofolli!» diyiino.

IBIRAAWOOTA 1:3

Isi Maganu ayirrinye xawise leellishino; isi ewelummasinni gudise Maganu ledo mittoho. Kalqe baala wolqaataamu qaalisinni irkise amade no. Mannano cubbunni keereensihu gedensaanni, gordoho ayirradu gashshaanchi Maganu qiniiteenni ofollino.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

IBIRAAWOOTA 8:1

Hasaambeemmohu qaru coyi kuneeti: Gordoho Ayirradu Magani barcimira qiniiteenni ofollinohu togoo qeesichi noonke.

UMI PHEEXIROOSI 3:22

Isi gordo ha're Maganoho qiniiteenni no; sokkaasine, gashshaanonna wolqaataammu angasira higganno.