FAARSO 11:1 - Qullaawa Maxaafa

¹ Ani Kaaliiqa golo'ya assi're hee'reenna, ki'ne manna, «Ceichote gede ilaallate widira higge xooqi» mayira yitinannieyya?

FAARSO 11:1 ပူးပေါင်းရင်းမြစ်များ

LAYINKI DUDUWO 14:11

Hatte yannara Aasa Maganosi Kaaliiqa, «Kaaliiqa'ya! Wolqa hoogginore wolqaataammuwiinni gatisannohu ate gedeehu dino. Maganonke Kaaliiqa! Ninke kune ate hexxine su'makki addaxxine tenne wolqaataame olanto ledo gaarammammora dangoommona kaa'linke. Kaaliiqa! Ati Maganonkeeti. Qeelannohehu mittuno dino» yaanni huucci'ri.

LAYINKI DUDUWO 16:8

Itiyophiyootunna Liibiyootu lowo olanto, faradi gaarenna faradu noonsare di"ikkitino? Ikkollana hatte yannara Kaaliiqa addaxxootto daafira isi qeelle uyinohe.

NEHIMIYA 6:11

Ani kayinni, «Ane gedee manchi xooqe maaxamannoha lawannoheni? Qullaawu Mini giddora e"e lubbo'ya gatisi'rate hasi'reemmoha lawannoheni? Horontanni hatto di"ikkeemmo» yee dawaroommosi.

FAARSO 16:1

Magano'ya ballo, ati golo'yaatina agarie.

FAARSO 25:2

Magano'ya, ate addaxxoommona, saalaho tuggootie; baarigaarra'yano qacifattoonke"e.

FAARSO 31:14

Kaaliiqa, ani kayinni ate addaxxeemmo; «Ate Magano'yaati» yeemmo.

FAARSO 56:11

Iso addaxxeemmo daafira diwaajjeemmo; mannu ma"assannoe?

FAARSO 7:1

Kaaliiqa Magano'ya, goli'ya ateetina, shorritannoeri baaluwiinni gatisse fushshie.

FAARSO 7:2

Ati gatisa hoogittoero kayinni, doobbiyu gede dukke massite, hoolannohu nookkiwa cancantannoe.

FAARSO 9:10

Kaaliiqa, ati hasidhannohere tugge agurattonsakki daafira, su'makki egentinori baalu addaxxitannohe. Kaaliiqa, ati hasidhannohere tugge diagurattonsa.

LAWISHSHA 6:5

Ugaaxaasinete anganni gatino bullichi gedenna, amaddannoriwiinni luxuphitino ceicho gede ikkite atino luxuphite fuli.

ERMIYAASI 48:14

«Ki'ne Moaabi gosa, ‹Ninke bagadaasinete; olahono fullankoommoreeti› yitine mayira adawadhitinanni?

LUQAASI 13:31

Hatte yannara gamu Farisooti Yesuusiwa dagge, «Heeroodisi shaahera hasanni noohena, kawiinni ka'e wolewa ha'ri» yitusi.

UMI SAAMUEELI 19:11

Saaooli hakko hashsha Daawiti mine gaangeessite galte soodimaroho shitannore soyi. Daawiti galte Melkooli kayinni, «Lubbokki gatasi'rate kunni hashshinni ba"a hoogittoro, ga'a reyitanni nootto» yite kultusi.

UMI SAAMUEELI 20:38

Rahi! Rakke mari! Hakko uurritooti!» yee canci. Beettuno worbicho gamba asse haa're mootichisiwa higi.

UMI SAAMUEELI 22:3

Daawiti hakkiinni kae, Moaabi gobba Mitsipha yinanni katama fule ha'ri. Moaabi mooterano, «Maganu assaere afammo geeshsha, anni'yanna ama'ya atewa daye hee'roena» yee eegami.

UMI SAAMUEELI 23:14

Daawiti Ziifi Halallittera noo gaarira godu giddo mare maaxami. Saaooli wo'manka woyite Daawiti hasa diagurino. Maganu kayinni Daawiti angasira sayise diuyino.

UMI SAAMUEELI 27:1

Daawiti kayinni wodanisinni, «Mitto barra Saaooli anga reya'ya digattannona, Filisxeemete gobba ba"a woyyitannoe. Hakkunni gedensaanni Saaooli Israeelete gobbara ane shorra aguranno; anino keere hee'reemmo» yee hedi.