FAARSO 109:22 - Qullaawa Maxaafa

²² Ani buxichohonna gadadaamoho; iillinoe qarrino wodana madiissinoe.

FAARSO 109:22 ပူးပေါင်းရင်းမြစ်များ

LAYINKI MOOTOOLLA 4:27

Maganu manchiwa iillituhu gedensaanni baattote gombisante lekkasi cu'midhu; Giyaazi hoolara dayita, Maganu manchi kayinni, «Agurise! Lowo geeshsha qarrante ikkitanni nooti dileeltannohe? Kaaliiqi kayinni qarrase dikulinoe» yii.

IYYOOBI 6:4

Wo'manka Dandaanno Magani maxxi, ane mannimma giddo no; giddo'yara harfu eino. Maganu waajjishanno bagado alba qolinoe.

FAARSO 102:4

Kakkandoonni hayisso gede ikke mooloommo; kokkeno iteemmore gibbue.

FAARSO 109:16

Kuni manchi dancha coye assara horontanni dihasi'rino; buxane, qarraataammanna gadadaamma hase shiino.

FAARSO 22:6

Ani kayinni da'muulchoho; manna di"ikkoommo; mannu baalu mishannoe, qacifatannoe.

FAARSO 25:16

Callimmanna gadadu amadinoena, alba higie; mararie.

FAARSO 40:17

Mooticha'ya ani gadadaamohonna buxichoho; ati kayinni dihawoottoe; kaa'laancho'yanna gatisaancho'ya ikkoottohura rakke kaa'lie.

FAARSO 86:1

Kaaliiqa, ani wolqiweelohonna gadadaamohona, macciishshite dawarie.

ISAYAASI 53:3

Mannu mishinosihonna giwinosiho; xissonna qarru amadinosi. Mannu mishe alba shawwu yiinosi; ninkeno diayirrinsoommosi.

MAATEWOOSI 8:20

Yesuusi qole, «Yeedaallate bale noonsa; buubbanno cearano minu noonsa. Manchi Beettira kayinni umo worannowi nafa dinosi» yee qolisi.

LUQAASI 22:44

Wodana lowo geeshsha yaadino daafira duu're huucci'ranni no. Hunkuuno mundeete gede ikke uullate aana coccoi.

YOHAANNISI 12:27

Xaano Yesuusi, «Kune lubbo'ya shettinona, hanni hiikko! Anna'ya, tenne shettonni gatisie! Hatto yeemmokki gede, dayommohu konne qarra adhammoraatina, giddoonni hige sa"a hasiissannoe.

LAYINKI QORONTOOSI 8:9

Ki'ne Mootichinke Yesuusi Kiristoosi elto egentinoonni; isi dureessa ikke hee'renni buxe, ki'ne duroo'mitinanni gede ki'ne daafira yee buxicho ikkino.