FAARSO 107:7 - Qullaawa Maxaafa

⁷ Heedhanno katama, dhaawate doogo qole haa're ha'rinsa.

FAARSO 107:7 ပူးပေါင်းရင်းမြစ်များ

NEHIMIYA 11:3

Yihudunna Biiniyaami ga're manni Yerusaalamete teesita, gatinohu Israeelete manni, qeesootu, Leewaawootu, Qullaawu Mini soqqamaanonna Selemooni soqqamaano ilama ikkitinori uminsa jajja amaxxite katammansara gattino. Yihudu ga're giddonni Yerusaalamete teessinori: Mittu Atayaati. Ataya Akaakka: Uuziyaati, Zakkaariyaasiiti, Amaariyaati, Shefaaxiyaati, Melaalieeliiti; Melaalieeli qole Faareesi ilamaati.

FAARSO 107:36

Hudi'rino manni hakkiicho hee'ranno gede assi; insano heedhanno katama mi'nitu.

FAARSO 107:4

Mitu mitu faro habbe, halallitte gobbara raataabbu; heedhanno katama massitannonsa doogo affara didandiitino.

FAARSO 136:16

Mannasi halallitte gobbara massagino; bagamannokkihu baxillisino hegerehona.

FAARSO 77:20

Ge'reewoho albaanni ha'ranno allaalaanchi gede, mannakki Musenna Aarooni widoonni qolte massagootto.

FAARSO 78:52

Hakkunni gedensaanni, mannasi ge'reewu gede asse massage fushshino; halallitte gobbara albaanni hige haa're ha'rinonsa.

ISAYAASI 30:21

Doogo sodhine gurara woy qiniitira higgine hadhinirino badhe'neenni, «Doogo tenneetina ise higgine hadhe!» yaanno qaale macciishshitinanni.

ISAYAASI 32:18

Maganu manni yaaddonna qarru nookkiha hee'ranno; mininsa keerunnihanna hobbaatenniha ikkanno.

ISAYAASI 48:17

Gatisanno'nehu Israeelete Qullaawi Kaaliiqi, «Woyyanno'nere baala rosiiseemmo'nehunna, hadhinanni doogo kuleemmo'nehu Magani'ne Kaaliiqi aneeti.

ERMIYAASI 31:24

Yihudunna katammansa baala mannu hee'rannowa ikkitanno; baatto loosi'rannohunna saada allaa'lanno mannino ledonsa hee'ranno.

ERMIYAASI 31:9

Gobbansa qoleemmonsa waro, wi'litanninna huuccidhanni dagganno; dancha buichowa qole haa're masseemmonsa; taalonna suwashsho doogo qole haa're ha'reemmonsa. Ani Israeelete annaho; Efireemino bayira beetto'yaati.

ERMIYAASI 6:16

Kaaliiqi Israeelete mannira, «Lame doogo xaaddannowa uurritine la'e! Albitinna woyyitanno doogo hiittenneetiro xa'mitine affe! Affinihu gedensaanni, hattenne doogo higgine hadhe! Lubbo'nera fooliishsho afidhinannina» yiinsa. Mannu kayinni, «Tenne doogo hinge diha'neemmo» yii. Kaaliiqi,

KIIRO 9:22

Gomichu mitto barra woy mitto agana woy mitto diro Dukkanu aana keeshshiro, Israeelete mannino hakkeeshshi yanna noo qachira keeshshanno. Ka"anno woyite kayinni ka'e hadhanno.

IBIRAAWOOTA 11:16

Xa kayinni roore gordoho noo gobba halchitanno. Kunnira Maganu katama qixxeessinonsa daafira, «Maganonke» yite woshshidhannosita difokkanno.

IBIRAAWOOTA 12:22

Ki'ne kayinni Tsiyooni Ilaaliwa dagginoonni. Kumu kumi sokkaasine hagiidhitannowa Heeshshote Magani katama gordu Yerusaalame dagginoonni.

LAYINKI PHEEXIROOSI 2:15

Insa suwashsho doogo habbinoreeti; halaaliweelcho woxe baxatenni Biioori beetti Beleaami doogo hadhino.

LAYINKI PHEEXIROOSI 2:21

Keeraanchimmate doogo affuhu gedensaanni uyinoonninsa hajajo qullaawatewiinni badhera higantenni, keeraanchimmate doogo affukkinni gattinoha ikkoommero woyyate.