FAARSO 106:5 - Qullaawa Maxaafa

⁵ Atere ikkansanni naaxxitannori gede, aneno doorantinori qawaaxxo lae hagiidheemmo gede assie.

FAARSO 106:5 ပူးပေါင်းရင်းမြစ်များ

LAYINKI SAAMUEELI 20:19

Kuni kataminke wo'munku katamira aliidiho; Israeelete giddo keeraanchimmanna halaalu wo'mino katami konneeti. Ati konne katama diigate mayira heditto? Kaaliiqiricho hunate mayira hasi'ritto?» yitusi.

FAARSO 1:3

Isino lolahanno wayi gama kaasante, gumaseno yanna yannantenni uyitanni, darchiseno giggilikkinni heedhanno haqqicho gedeeha ikkanno; assi'rannori baalu qinaannosi.

FAARSO 105:43

Dooraminoha mannasino haa're fushshi; insano hagiidhitanni faarsitu; ilillissu.

FAARSO 118:15

Kaaliiqi manni dukkani giddo, «Kaaliiqiti jawaata anga lowo coye assitino! Jawaata angasi jawa coye assitino!» yinanni ilillinsanni ililleettenna qeexaala macciishshinanni.

FAARSO 14:7

Israeelete gato Tsiyooninni daggo! Kaaliiqi mannisira kaayyo qolanno yannara, Yaiqoobi mini hagiidhanno; Israeeleteno tashshi yaannonsa.

FAARSO 48:11

Kaaliiqa! Halaalaancho yookkinni Tsiyooni manni hagiidho; Yihudu katammara noorira tashshi yoonsa.

ISAYAASI 12:6

Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

ISAYAASI 35:10

Kaaliiqi wodinonsa manni galagale hige, faarsanni Tsiyooni eanno; hegere hegerera hagiirru ba'latto wodhitanno. Hagiirrenna hisanyoote haraqidhanno; yaaddonna dadillu mulinsanni xooqanno.

ISAYAASI 45:25

Israeelete sircho ikkinohu baalu, ane Kaaliiqinni qeellenna ayirrinye afi'ranno» yii.

ISAYAASI 66:10

Yerusaalame baxxinanniri tashshi yoo'ne! Ise daafira wi'litinanniri ledose hagiidhe!

IYUEELI 2:23

«Ki'ne Tsiyooni gosa, Magani'ne Kaaliiqinni tashshi yoo'nena, hagiidhe. Isi taashshe, bashsho gede badheessinna hawadi xeena, ikkanno geeshshiha uyino'ne.

SOFFOONIYAASI 3:14

Kaaliiqi, «Tsiyooni beetto faarsi! Israeelete manna! Faarse! Ilillisse! Yerusaalamete beetto! Wo'mu wodanikkinni tashshi yoohena, hagiidhi.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.

YOHAANNISI 15:16

Anilla ki'ne dooroommo'ne ikkinnina, ki'ne ane didoodhitinoonnie. Hadhine batinye guma laaltinanni gede, gumi'neno ba"annokki gede shoomoommo'ne. Kunnira ane su'minni huuccidhinannire baala Anni'ya aanno'ne.

YOHAANNISI 16:22

Ki'neno xa hatto dadillitinanni; ani kayinni galagale afeemmo'ne. Wodani'ne hagiidhanno; hagiirre'neno adhannohu dino.

SOQQAMAASINETE LOOSO 9:15

Mootichuno Hanaaniyara, «Isi su'ma'ya dagate, moottoollatenna Israeelete mannira egensiisanno gede doodhoommo uduunnichootinna isiwa ha'ri.

EFESOONI SOKKA 1:18

Woshshino'ne hexxo hiittootero qullaawu manni ragi'rannohu ayirradu iqqi mageeshshi geeshsha lowohoro affinara wodani'ne ille xabbanno gede huucci'reemmo.

EFESOONI SOKKA 1:4

Albasiinni qullaawootanna arrasso nookkire ikkine hee'neemmo gede, kalqe kalaqantukkinni Kiristoosinni doorinonke. Baxillisinni kainohunni,

MARRO 32:9

Kaaliiqi Yaiqoobi sircho, umisi manna asse doodhino.

MARRO 7:6

Ki'ne Israeele, Magani'ne Kaaliiqira qullaawa gosa ikkitinoonnihura, umisi woxe ikkitinanni gede baattote aana hee'ranno manni baalu giddonni ki'ne doodhino'ne.

FILIPHISIYUSI SOKKA 3:3

Magano Qullaawu Ayyaaninni magansi'neemmorenna, illete leellanno seerinni ikkikkinni Kiristoosa Yesuusa adawadhineemmore ikkinoommohura halaalunni barcimmoommori ninkeeti.

LAYINKI TESELONQE 2:13

Mootichu baxanno'ne roduuwa, ninke ki'ne daafira wo'manka woyite Magano galata hasiissannonke. Galanteemmohuno, Ayyaanu qullaawoota asseenna'ne gattinanni gede Maganu umire asse doorino'nehuranna halaalaancho ammana'ne daafiraati.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.