FAARSO 106:23 - Qullaawa Maxaafa

²³ Maganu mannasi hunara kaita, doorinosihu Muse mereeroho uurre, hunannonsakki gedenna hanqosino aguranno gede Magano huucci.

FAARSO 106:23 ပူးပေါင်းရင်းမြစ်များ

IYYOOBI 35:8

Ate bunshe wole manna qarrissanno; dancha loosattoha ikkiro manna kaa'latto.

FAARSO 105:26

Hakkunni gedensaanni, soqqamaanchosi Musenna, doodhinoha Aarooni soyi.

FULO 32:32

Xa kayinni eeggatena konne cubbo agurinsa; agurattonsakkiha ikkiro kayinni, su'ma'ya mannikki su'ma borreessootto maxaafi giddonni hooli» yii.

ERMIYAASI 5:1

Kaaliiqi Yerusaalamete mannira, «Hanni Yerusaalamete doogga baala kawanna ka'a higgine la'e; taalo coyi'rannohanna, halaale hasannoha mitto mancho nafa anfannini? Taalo coyi'rannohanna halaalaancho, mitto mancho nafa affiniro, Yerusaalame maareemmo.

HIZIQEELI 13:5

Uwino huxxi widoonni higge uurritannokkihuranna diigaminoha huxxitannokkihura, Kaaliiqi barra Israeele gargarannoseha diafidhanno.

HIZIQEELI 20:8

Ikkollana, anera haxawarrite hajajo'ya macciishsha gibbino; tiyyi'nannita misillansano dihuntino; woy Gibitsennita kaphu maganna magansi'ra diagurtino. Kunnira, Gibitsete heedhu yannara, hanqo'ya leellishammonsara hedoommo.

HIZIQEELI 22:30

Hanqi'yanni gobba hunate albaanni, kinchu huxxa huxxannohanna diigantino huxxuwa mule uurre gargarannoha hasi'reemmo; xaa geeshsha kayinni mittono diafi'roommo.

KIIRO 16:5

Hakkunni gedensaanni, Qoreranna ledosi noorira baalaho, «Isiha ikkinohunna qullaawu ayetiro Kaaliiqi ga'a soodo badanno. Isiwa gamba yee soqqamara doorinohu ayetirono leellishannonke.

MAATEWOOSI 12:18

«Doodhoommohu soqqamaanchi'ya konneeti. Isi ani baxeemmohonna hagiidheemmoho. Ayyaana'yano isi aana woreemmo; isi gosate ane yoo kulanno.

YOHAANNISI 15:16

Anilla ki'ne dooroommo'ne ikkinnina, ki'ne ane didoodhitinoonnie. Hadhine batinye guma laaltinanni gede, gumi'neno ba"annokki gede shoomoommo'ne. Kunnira ane su'minni huuccidhinannire baala Anni'ya aanno'ne.

YOHAANNISI 15:19

Ki'ne tenne gobbare ikkitinoommero, umiseri gede assite baxxanno'ne. Ikkollana, ani tenne gobbanni bade dooroommo'ne ikkinnina ki'ne tenne gobbare ikkitinoonnikkihura, tini gobba gibbanno'ne.

MARRO 10:10

Qoleno Muse, «Anino albinte gede, ilaalu aana huuccanni 40 hashshanna 40 barra keeshshoommo. Kaaliiqino huuccatto'ya macciishshinoe; ki'ne huneemmo yiinotano agurino.

MARRO 9:19

Aarisinni huna'nera kaino daafira, Kaaliiqi hanqi lowo geeshsha waajjishinoe. Ikkollana, isi galagale huuccatto'ya macciishshino.

MARRO 9:25

«Kunninni kainohunni, Kaaliiqi hunanno'ne gede coyi'rinohura, hakkonne shoyilloo hashshanna shoyilloo barra Kaaliiqi albaanni diriire,

YAIQOOBI 5:16

Kunnira hurtinanni gede cubbo'ne ki'ne ki'neneewa aagintaabbe; ku'u ku'unnira huucco. Keeraanchu manchi huuccatto, lowo guma uyitannota jawa wolqa afidhino.